ஸ்போக்கன் இங்கிலீஸ், கணினிப் பயிற்சி -துபாய் தொழிலாளர்களுக்கு சான்றிதழ், பாராட்டு

துபாய்: துபாயில் ஆங்கில‌ப் பேச்சுப் ப‌யிற்சி ம‌ற்றும் க‌ணினி ப‌யிற்சி பெற்ற தொழிலாள‌ர்க‌ளுக்கு பாராட்டு விழா நடைபெற்றது.

துபாயில் உள்ள எமிரேட்ஸ் காலேஜ் ஃபார் மேனேஜ்மெண்ட் அண்ட் இன்ஃப‌ர்மேஷ‌ன் டெக்னால‌ஜியில் ஆங்கில‌ப் பேச்சுப் ப‌யிற்சி ம‌ற்றும் க‌ணினி ப‌யிற்சி பெற்ற‌ தொழிலாள‌ர்க‌ளுக்கு வெள்ளிக்கிழ‌மை பாராட்டு விழா நடைபெற்றது. இந்த விழாவில் சிற‌ப்பு விருந்தின‌ராக‌ இந்திய‌ தூத‌ர் எம்.கே. லோகேஷ் ப‌ங்கேற்று ஆங்கில‌ப் பேச்சுப் ப‌யிற்சி ம‌ற்றும் க‌ணினி ப‌யிற்சி பெற்ற‌ தொழிலாள‌ர்க‌ளுக்கு சான்றித‌ழ்க‌ளை வ‌ழ‌ங்கினார். இப்ப‌யிற்சிக‌ளின் மூல‌ம் த‌குதிக‌ளை வ‌ள‌ர்த்துக் கொள்ள‌ உத‌வும் என‌ ந‌ம்பிக்கை தெரிவித்தார்.

இப்பயிற்சிக‌ளின் மூல‌ம் ஆங்கில‌ம் பேச‌வும், க‌ணினியை இய‌க்க‌வும் தெரிவதாக‌ ப‌யிற்சி பெற்ற‌ தொழிலாள‌ர்க‌ள் தெரிவித்த‌ன‌ர். த‌ங்க‌ள‌து ந‌ண்ப‌ர்க‌ளையும் இப்ப‌யிற்சிக‌ளில் சேர்ந்து ப‌ய‌ன்பெற‌ உற்சாக‌ப் ப‌டுத்தி வ‌ருவ‌தாக‌ தெரிவித்த‌ன‌ர்.

இதுபோன்ற‌ ப‌யிற்சிக‌ளை அளிப்ப‌த‌ற்கு ஆர்வ‌த்தை ஏற்ப‌டுத்தைக் கொடுத்த‌ இந்திய‌ தூத‌ர‌க‌ம், க‌ன்சுலேட், ப‌யிற்சி ஆசிரிய‌ர்க‌ள், ப‌யிற்சிய‌ளிக்க‌ உதவிடும் நிறுவ‌ன‌ங்க‌ளுக்கு ந‌ன்றி தெரிவித்துக் கொண்ட‌ன‌ர். மேலும் பயிற்சியாள‌ர்க‌ள், பயிற்சிய‌ளிக்க‌ இட‌ம் வ‌ழ‌ங்கி உத‌விய‌ ஈடிஏ அஸ்கான் ஸ்டார் நிறுவ‌ன‌ம் உள்ளிட்ட‌வை நினைவுப் ப‌ரிசு வ‌ழ‌ங்கி கௌர‌விக்க‌ப்ப‌ட்ட‌ன‌.

English summary

Certificates were distributed to Indian laborers who have completed spoken english and computer training.