வெற்றியில் அடங்கு: தோல்வியில் திருந்து!

வெற்றி, தோல்வி குறித்து அனுபவப் பொன்மொழி என்ற தலைப்பில் முதல்வர்கருணாநிதி கவிதை எழுதியுள்ளார். அந்தக் கவிதை:

அந்தக் கவிதை:

எங்கிருந்தாய்?

எங்கிருக்கிறாய்?

எங்கும் பறந்திட

இறக்கை உனக்கு,

தங்கும் இடமெனக்

கலசத்தில் அமர்வாய்!

வாடகையாக

வழங்குவாய் எச்சம்.

கவலைப்படுவதில்லை; கலசம்

கலங்கித் தவிப்பதுவுமில்லை.

கரையும் எச்சம், மழையில் என்று;

காத்திருக்கும் பாவம்!

பொறுத்தவன் பூமியாள்கிறான்

வெறுத்தவன் வேட்டி, சட்டையைக்

கிழித்துக் கொள்கிறான் - தன்னைத் தானே

அழித்துக் கொள்கிறான்!

கலசம், அதற்காக கை தட்டிச் சிரிக்கவில்லை

கண்கூட்டில் நீர் ததும்ப நிற்கிறது!

"வெற்றியில் அடங்கு

தோல்வியில் திருந்து!"

நெற்றியில் அடிக்கிறது;

நீண்ட அனுபவப் பொன்மொழி!

படைப்புகளை அனுப்ப:

கவிதை, கட்டுரை, சிறுகதை என படைப்பிலக்கியத்தின் எந்தக் கூறுகளிலும் உங்களதுஆக்கங்களை அனுப்பலாம். அனுப்ப வேண்டிய மின்னஞ்சல் முகவரி: [email protected]

படைப்புகளை அனுப்பும்போது, நீங்கள் எந்த எழுத்துருவை பயன்படுத்தியுள்ளீர்கள் என்பதை அறியத் தரவும்.