ஆகஸ்ட் மாத ராசி பலன் 2023.. திடீர் ஜாக்பாட்.. ஆகஸ்ட் மாதத்தில் யாருக்கு அதிர்ஷ்டம் வீடு தேடி வரும்?

Updated: Saturday, July 29, 2023, 11:56 [IST]

Subscribe to Oneindia Tamil

சென்னை: ஆகஸ்ட் மாதம் தமிழ் மாதங்களான ஆடி, ஆவணி மாதங்கள் இணைந்த மாதம். சூரியன் கடகம் மற்றும் சிம்ம ராசிகளில் பயணம் செய்வார். சூரியனின் பயணம் சில ராசிக்காரர்களுக்கு அற்புத யோகத்தை தரப்போகிறது. ரிஷப ராசியில் பிறந்தவர்களுக்கு ஆகஸ்ட் மாதத்தில் என்னென்ன அதிர்ஷ்டங்கள் காத்திருக்கிறது என்று பார்க்கலாம்.

ஆகஸ்ட் மாதத்தில் ரிஷப ராசிக்காரர்களுக்கு கிரகங்களின் பயணத்தை பார்த்தால் 12ஆம் வீட்டில் ராகு, குரு, பத்தாம் வீட்டில் சனி வக்ரம், மூன்றாம் வீட்டில் சூரியன், நான்காம் வீட்டில் செவ்வாய், சுக்ரன் வக்ரம், புதனுடன் பயணம் செய்கிறார். ஆறாம் வீட்டில் என கிரகங்களின் சஞ்சாரம் உள்ளது. இந்த மாதத்தில் உங்களுக்கு அதிக பண வரவு வந்தாலும் செலவுகள் அதிகமாக இருக்கும். சுப செலவுகள் அதிகமாகவே இருக்கும்.

August Month rasi palan 2023 : August matha Rasi Palan Rishabam Rasi Palan and Parikaram

தொழில் ஸ்தான அதிபதி சனிபகவான் 10ஆம் வீட்டில் வக்ரமடைந்திருக்கிறார். வேலையில் சில மாற்றங்கள் வேண்டும் என்று நினைப்பவர்களுக்கு நடைபெறும். நல்ல வேலை கிடைக்கும். பதவி அதிகாரம் தேடி வரும். ஆகஸ்ட் மாதத்தில் கௌரவ பதவிகள் தேடி வரும். பண வருமானம் அதிகமாக இருந்தாலும் சுப செலவுகள் அதிகமாகவே இருக்கும். சுக்கிரன் வக்ரமடைவதால் தேவையில்லாத மன அழுத்தங்கள் ஏற்படும். எதைப்பற்றியும் கவலைப்படாதீர்கள்.

குடும்பத்தில் சில பிரச்சினைகள் வந்தாலும் விட்டுக்கொடுத்து செல்லுங்கள். திருமணத்திற்காக வரன் பார்ப்பவர்களுக்கு நல்ல காலம். எதிர்ப்புகளை தாண்டி திருமண பேச்சுவார்த்தை முடியும். உங்களுடைய முயற்சிகளில் வெற்றி கிடைக்கும். சூரியன் புதன் இணைந்து பயணம் செய்வதால் மாணவர்களுக்கு உற்சாகமான மாதமாக அமைந்துள்ளது. உயர்கல்விக்காக அதிக செலவு செய்வீர்கள். குடும்பத்தை சிறப்பாக பராமரிப்பீர்கள்.

இந்த மாதத்தில் கிரகங்களின் வக்ர சஞ்சாரம், சுக்கிரனின் வக்ரம் அஸ்தமனம் மனதில் சில நேரங்களில் ஊசலாட்டத்தை ஏற்படுத்தும். செய்யும் முயற்சிகளில் தடுமாற்றங்களையும் தரும். பெண்களுக்கு மன அழுத்தமும் சில நேரங்களில் வர வாய்ப்பு உள்ளது. வீட்டிற்குத் தேவையான பொருட்களை வாங்குவீர்கள். பெண்களுக்கு நகை சேர்க்கை அதிகரிக்கும். சில விசயங்களில் கோபம் அதிகரிக்கும். ராசிநாதன் வக்ரமாக இருப்பதால் கவனமாக இருப்பது நல்லது. சிந்தனையும் மனமும் தெளிவாக இருக்கும். உடல் ஆரோக்கியத்தில் கவனமாகவும் அக்கறையோடும் இருப்பது நல்லது. இந்த மாதம் பொறுமையும் நிதானமும் தேவைப்படும்.