Thulam: துலாம் ராசிக்கு காத்திருக்கும் அற்புதமான மாற்றம்.. செலவுகள் அதிகரிக்கும் கவனம்
Vaikasi Matha Palangal: வைகாசி மாதத்தில் துலாம் ராசியினருக்கு அதிர்ஷ்டம் கிடைக்குமா, என்ன மாதிரியான பலன்கள் கிடைக்கும், வழிபட வேண்டிய தெய்வம் குறித்து இந்த ஜோதிட கட்டுரையில் விரிவாகப் பார்க்கலாம்.
வைகாசி மாதம் என்றாலே சிறப்பான மாதமாகும். முருகர் அவதரித்த மாதம். வைகாசி மாதம் ஆரம்பிக்கும்போது அஸ்வினி நட்சத்திரத்தில் சந்திரன் சஞ்சாரத்தை தொடங்குகிறார். 12 ஆம் இடத்தில் சனி தன் இருப்பை நிலை நிறுத்தியிருக்கிறார். செவ்வாய் மேஷ வீட்டில் ஆட்சியாகி இருக்கிறார். சுக்கிரன் துலாம் வீட்டில் இருக்கிறார். சூரியன் ரிஷப வீட்டில் இருந்து இந்த மாதத்தில் தனது சஞ்சாரத்தை தொடங்குவதே வைகாசி மாதமாகும்.
சுக்கிரன் குரு உச்சமாக இருக்கக்கூடிய கடகத்தில் வந்து அமருகிறார். கேது சிம்ம வீட்டிலும், ராகு கும்ப வீட்டிலும் இருக்கிறார். இந்த கிரக நிலைகள் துலாம் ராசியினருக்கு என்ன விதமான பலன்களைக் கொடுக்கும். கவனமாக இருக்க வேண்டிய விஷயங்கள், வழிபட வேண்டிய தெய்வங்கள் குறித்து இந்த ஜோதிட கட்டுரையில் விரிவாகப் பார்க்கலாம்.
துலாம்
துலாம் ராசியினருக்கு இடமாற்றம், உத்தியோக மாற்றம், வியாபார மாற்றம், தொழில் மாற்றம் என அனைத்து விதமான நல்ல மாற்றங்களும் ஏற்படும். உத்தியோகம் ரீதியாக எந்த விதமான மாற்றங்கள் வந்தாலும் அதனை எடுத்துக் கொள்வது நல்லது. யாரிடமும் கோபம் கொள்ளாமல் இருப்பது நன்மையைத் தரும். எல்லா விதமான சிக்கல்களும் தீரும்.
பயணங்கள்
உத்தியோகத்தில் அற்புதமான ஏற்றத்தைப் பெறுவீர்கள். எதிரிகளை வெல்லக் கூடிய யோகம் உண்டாகும். தொலைதூர பயணங்கள், உள்ளூர் பயணங்கள், தெய்வமார்க்க பயணங்கள் எல்லாம் ஏற்படக்கூடிய காலகட்டம். பூமி சம்பந்தப்பட்ட விஷயத்தில் அனுகூலம் காணப்படும். நீண்ட நாட்களாக இருந்த சிக்கல்கள் தீரும். குடும்பத்தில் மகிழ்ச்சி ஏற்படும்.
கவனம்
இந்த வைகாசி மாதம் சற்று கவனத்துடன் செயல்பட வேண்டிய காலமாக இருக்கும். எந்த ஒரு விஷயத்திலும் அவசர முடிவுகள் எடுப்பதை தவிர்ப்பது நல்லது. வேலை, தொழில் மற்றும் தனிப்பட்ட வாழ்க்கை தொடர்பான விஷயங்களில் பொறுமையுடன் செயல்பட்டால் தேவையற்ற பிரச்சனைகளை தவிர்க்கலாம். விரயங்கள் அதிகளவில் இருக்கும் காலகட்டம்.
பணவரவு
உடல்நலத்தில் சிறிய பாதிப்புகள் ஏற்பட வாய்ப்பு இருப்பதால் உணவு மற்றும் ஓய்வில் கவனம் செலுத்துவது அவசியம். அதிக மனஅழுத்தம் ஏற்படாமல் பார்த்துக் கொள்வதும் நல்லது. பொருளாதாரத்தில் ஏற்ற இறக்கங்கள் காணப்பட்டாலும், பணவரவு முற்றிலும் குறையாது. புதிய வருமான வாய்ப்புகள் உருவாகும். ஆனால் செலவுகளும் அதிகரிக்கக்கூடும் என்பதால் நிதி மேலாண்மையில் கவனம் தேவை.
வழிபாடு
இந்த மாதத்தில் எதையும் எளிதாக அடைய முடியாது. கடின உழைப்பின் மூலம் மட்டுமே முன்னேற்றம் கிடைக்கும். முக்கிய முடிவுகள், முதலீடுகள் மற்றும் புதிய முயற்சிகளில் அனுபவமுள்ளவர்களின் ஆலோசனையை கேட்டு செயல்படுவது நல்ல பலனை தரும். துர்க்கை கவசம், அபிராமி அந்தாதியை தினந்தோறும் கேட்பது, சொல்வது வாழ்க்கையில் ஏற்றத்தை ஏற்படுத்தும்.
வாழ்க்கையில் நல்ல மாற்றத்தைத் தரும். துர்க்கை வழிபாடு ஏற்றத்தைக் கொடுக்கும். முதுகுத் தண்டுவடப் பிரச்சனைகள், தலைவலி, கண் சம்பந்தப்பட்ட விஷயத்தில் மிகுந்த கவனமாக இருக்க வேண்டும்.
Click it and Unblock the Notifications
Sign in with Google