புகழுடன் கோடீஸ்வரர் ஆக வாழும் யோகம் யாருக்கு கிடைக்கும் - உங்க ஜாதகத்தில் இந்த அமைப்பு இருக்கா
நவ கிரகங்களில் சில கிரகங்கள் மறைவு ஸ்தானங்களில் சஞ்சரித்தால் அவர்களுக்கு கோடீஸ்வர யோகம் தேடி வரும். கெட்டவன் கெட்டிடில் கிட்டிடும் ராஜயோகம் என்ற வகையில் விபரீத ராஜயோகத்தால் சிலர் கோடீஸ்வரராகிவிடுவர்.
சென்னை: சூரியன், செவ்வாய், சனி ஆகிய கிரகங்கள் ஒருவரின் ஜாதகத்தில் மறைவு ஸ்தானங்களில் மாறி அமர்ந்தால் புகழுடன் கோடீஸ்வரராக வாழும் யோகம் தேடி வரும். முறையான உழைப்பாலும், புதிய சிந்தனையாலும், எந்தத் தொழில் மூலமாகவும் கோடீஸ்வரராகி விடலாம். பலரின் ஜாதகத்தில் கோடீஸ்வர யோகம் இருக்கிறது எந்த அமைப்பு இருந்தால் கோடீஸ்வர யோகம் தேடி வரும் என்று பார்க்கலாம்.
எந்த காலத்திலும் பணக்காரர்கள் பணக்காரர்களாகவும் கோடீஸ்வரர்களாகவும் இருக்கிறார்கள் ஏழைகள் வாழ்நாள் முழுவதும் ஏழைகளாகவே இருக்கிறார்கள். இதற்குக் காரணம் அவர்களின் பிறந்த ஜாதகத்தில் உள்ள யோக அமைப்புதான். எல்லோர் வாழ்விலும் நல்ல நேரம் உண்டு. வாய்ப்புகளைச் சரியாகப் பயன்படுத்தத் தெரியாமலேயே தவறவிடுகின்றனர். அதிர்ஷ்டத்துக்காகக் காத்திருப்பது, ஏங்குவதைவிட அவரவர் ஜாதகத்தில் எந்த நேரத்தில், எந்தத் துறையில் ஈடுபட்டால் கோடீஸ்வரராக முடியும் என்பதைக் கண்டறிய வேண்டும்.
வாழ்க்கையில் ஒருவருக்கு சகல ஐஸ்வர்யங்களையும் அருள்பவர் அன்னை மகாலட்சுமி. அழகு,செல்வம் மகிழ்ச்சி, அன்பு, கருணை அமைதி ஆகியவற்றின் ஆதாரமும் மகாலட்சுமிதான். லட்சுமி என்ற சொல்லுக்கு நிகரில்லாத அழகி என்று பெயர். அழகு பிரதிபலிக்கும் இடங்களிலெல்லாம் திருமகள் அருள் இருக்கும். எனவேதான் மகாலட்சுமிக்கு தன் இதயத்தில் இடமளித்து ஸ்ரீனிவாசன் எனப் பெயர் பெறுகிறார் மகா விஷ்ணு. மகாலட்சுமி யோகம் உங்க ஜாதகத்தில் ஏதாவது ஒரு வகையில் இருந்தாலும் உங்கள் இல்லத்திலும் செல்வ வளம் பெருகும்.
புகழோடு கோடீஸ்வர வாழ்க்கை
பொதுவாகவே லக்னத்திற்கு 3, 6, 8, 12ம் இடங்கள் மறைவு ஸ்தானம். 3ஆம் அதிபதி 6, 8, 12ஆம் இடத்திலோ, 6ஆம் அதிபதி 3, 8, 12ஆம் இடத்திலோ, 8ஆம் அதிபதி 3, 6, 12ஆம் இடத்திலோ, 12ஆம் அதிபதி 3, 6, 8ஆம் இடங்களில் மாறி நின்றாலோ, 3, 6, 8, 12ஆம் அதிபதிகள் பாவ கிரகங்களான சூரியன், செவ்வாய், சனியாக இருந்து மறைந்தால் புகழுடன் கோடீஸ்வரராக வாழ்க்கை கிடைத்துவிடும். பாதகாதிபதி நீசம், வக்ரம் போன்று வலுவிழந்து தசை நடந்தாலும், ஜாதகரை கோடீஸ்வரராக மாற்றிவிடும். சுபகிரக, கேந்திர, திரிகோண அதிபதிகள் ராசியில் நீசம் பெற்று அம்சத்தில் பலம் பெற்றாலும், சுபயோக பலன்களையே தருவர்.
நீங்களும் கோடீஸ்வரர்தான்
கோடீஸ்வர யோகம், குரு சந்திர யோகம், குரு மங்கள யோகம், புதாதித்ய யோகம் போன்ற ராஜயோக பலன்கள் இருந்தும் அதற்குரிய தசை, பலம் இவற்றை அறிந்து சுப பலன்களை மேம்படுத்திக்கொள்ளும் வழிமுறைகளைப் பலர் அமைத்துக் கொள்ளாமல் விடுவதால், யோகங்களின் பலன்கள் முழுதாகக் கிடைப்பதில்லை. உங்களை நீங்கள் சரிசெய்து கொண்டால் அடுத்த நொடியேகூட உங்கள் வாழ்க்கையில் நல்ல மாற்றங்கள் நிகழ்ந்து நீங்களும் கோடீஸ்வரராகிவிட முடியும்.
வீடு சொத்துக்கள்
யாருடைய ஜாதகத்தில் செவ்வாய் சுக ஸ்தானமான நான்காவது இடத்திலும், சூரியன் ஐந்தாவது இடத்திலும், குரு லாப ஸ்தானமான பதினொன்றாவது அல்லது பூர்வ புண்ணிய ஸ்தானமான ஐந்தாவது வீட்டிலும் இருந்தால், அந்த நபருக்கு மகத்தான மூதாதையர் சொத்து கிடைக்கிறது. அவர் விவசாய நிலத்தையோ அல்லது பெரிய கட்டிடத்தின் உரிமையாளராகிறார்.
திருமணத்திற்குப் பிறகு கோடீஸ்வரர்
தொழில் ஸ்தானமான பத்தாவது வீட்டின் அதிபதி ஜாதகத்தில் ரிஷபம் அல்லது துலாம் ராசியிலோ சுக்கிரன் அல்லது ஏழாவது வீட்டின் அதிபதி பத்தாவது வீட்டில் இருந்தால், அது பத்தாவது ஏழாவது யோகாவை உருவாக்குகிறது. இந்த யோகத்தின் காரணமாக திருமணத்திற்குப் பிறகு, அந்த நபர் தனது மனைவியின் சொத்துக்கள், அல்லது மனைவியின் சம்பாத்தியத்தின் மூலம் கோடீஸ்வரர் ஆவார்.
யோகம் வேண்டும்
எளிதில் நினைத்ததும் துவங்க சாத்தியமானதும், அதீத லாபம் ஈட்டக்கூடியதுமான தொழில் உணவுத்தொழில். சிறிய முதலீட்டில் சின்னதாக இட்லிக் கடை அல்லது தேனீர் கடை என்று ஆரம்பித்து பொருளீட்டுவோர் இன்று அதிகம். அதே நேரம் இந்தத் தொழிலில் பெரிய அளவில் லாபம் ஈட்டுவதற்கு அன்ன யோகம் கைகூட வேண்டும் என்பார்கள் பெரியோர்கள்.
தொழில் நிலை
ஜாதகத்தில் 2ஆம் இடம் உணவுப் பொருட்களைக் குறிக்கும். இந்த வீட்டுக்கு அதிபதி வலுத்து தொழில் ஸ்தானமான 10ஆம் வீட்டுடன் தொடர்பு கொண்டு இருந்தால், குறிப்பிட்ட ஜாதகர் உணவுப்பொருட்கள் மூலம் ஆதாயம் பெறுவார். 2ஆம் இடத்தில் சுபக் கிரகங்களான குரு, சுக்ரன், தனித்து வலுவடைந்த புதன், வளர்பிறை சந்திரன் ஆகியோர் அமர்ந்து 10ஆம் வீட்டோனுடன் தொடர்புகொண்டிருந்தால் ஹோட்டல் தொழில் மூலமாக நிறைய சம்பாதிக்கலாம்.
உணவுத் தொழில்
இரண்டாம் வீட்டில் பாவ கிரகங்களான சூரியன், செவ்வாய், சனி, ராகு மற்றும் கேது ஆகியோர் பலவீனமாக இருப்பது கூடாது. இத்தகைய கிரக நிலை கொண்டவர்கள் உணவு சம்பந்தப்பட்ட தொழிலைத் தவிர்க்கலாம்.
செய்யும் தொழில் உணவு சம்பந்தமானது எனில், ஜாதகத்தில் இரண்டாம் வீட்டுக்கு அதிபதியான கிரகத்தையும், அதற்கு உரிய அதிதேவதையையும் வழிபடுவதன் மூலம் ஆதாயம் கூடப் பெறலாம்.
வெற்றிகரமான தொழிலதிபர்
ஜாதகத்தின் ஏழாவது வீட்டில் செவ்வாய் அல்லது சனி அமர்ந்திருந்தால், கேதுவைத் தவிர வேறு எந்த கிரகமும் பதினொன்றாவது வீட்டில் இருந்தால், அந்த நபர் ஒரு வெற்றிகரமான தொழிலதிபராக மாறுகிறார். இது வெளிநாட்டு நாடுகளுடன் வர்த்தகம் செய்வதன் மூலம் பெரும் செல்வத்தை ஈட்டுகிறது. கேது பதினொன்றாவது வீட்டில் சஞ்சரித்தால் அந்த நபர் வெளிநாட்டு வர்த்தகத்தில் இருந்து பணத்தை சம்பாதிப்பார்.
செல்வம் செல்வாக்கு
ஒரு நபரின் ஜாதகத்தில், செவ்வாய் ஒரு வலுவான நிலையில் இருக்கும்போது, மேஷம், விருச்சிகம் அல்லது மகரத்தில் இருக்கும்போது, ருச்சக யோகம் உருவாகிறது. இந்த யோகத்தின் காரணமாக, அந்த நபர் உயர் பதவிகளை பெறுவார் இதன் மூலம் செல்வத்தையும் செல்வாக்கையும் பெறுகிறார். ஒருவரின் ஜாதகத்தில் செவ்வாய் வலுவடையும் போது சொந்த வீடு,மனை, வாகனங்கள் ஆகியன சேரும். மனத்துணிவு உண்டாகும். தன்னம்பிக்கையோடு செயலாற்ற முடியும். தொடர் வெற்றிகள் குவியும். சில யோகங்களை இங்கே குறிப்பிட்டுள்ளோம் அடுத்தடுத்த யோகங்களைப் பார்க்கலாம்.
Click it and Unblock the Notifications
Sign in with Google