முருங்கை விதை.. வியப்பூட்டும் சப்ஜா விதை.. சல்லுனு வெயிட் குறையும்.. 2 விதையையும் இப்படி சாப்பிடுங்க

Updated: Saturday, November 11, 2023, 11:58 [IST]

Subscribe to Oneindia Tamil

சென்னை: விதைகள் எப்போதுமே நம்முடைய உடலுக்கு ஆரோக்கியத்தை கொடுப்பவை. சம்பந்தப்பட்ட மரத்தின் மொத்த சத்துக்களை உள்ளடக்கியிருப்பதே அதன் விதைகள் என்பதை மறுக்க முடியாது. அதில் மிக முக்கியமானதுதான், சப்ஜா விதைகள் & முருங்கை விதைகள்.

சப்ஜா விதைகள் & முருங்கை விதைகள் இரண்டுமே பல்வேறு மருத்துவ நன்மைகளை தருகின்றன என்றாலும், உடல் எடையை குறைப்பதில் இவைகளுக்கு பெரும் பங்கு உள்ளது.

Do you know the Excellent Benefits of Drumstick Seed and Sabja Seeds is the Best food for Weight Loss

முருங்கை விதை: முருங்கையில், பொட்டாசியமானது, வாழைப்பழத்தை விடவும் அதிகமாக உள்ளது.. இதிலுள்ள புரோட்டின், முட்டைக்கு இணையாக உள்ளது.. இதிலுள்ள கால்சியமானது, பசும்பாலைவிட, 4 மடங்கு அதிகமாக உள்ளது.. இதிலுள்ள வைட்டமின் C சத்தானது, ஆரஞ்சுப் பழத்தைவிட அதிகமாக உள்ளது..

மற்ற அனைத்து கீரைகளில் இருப்பதைவிட, இந்த முருங்கைக்கீரையில் ஏகப்பட்ட இரும்புச் சத்துக்கள் உள்ளன. அதனால்தான் இந்த முருங்கையை, இயற்கையின் சஞ்சீவி என்கிறார்கள்.

எலும்புகள் பலம்: எலும்புகள் வலிமையடைய செய்யவும், மூலநோய் உள்ளவர்கள், சளி பிரச்சனை பாதிப்பு உள்ளவர்கள், ரத்தசோகை, வயிற்றில் புழு பிரச்சனை உள்ளவர்கள், கணையம், கல்லீரலில் வீக்கம் உள்ளவர்கள், ரத்த சர்க்கரை பிரச்சனை உள்ளவர்கள், மலச்சிக்கல் பிரச்சனை உள்ளவர்கள், மூலநோய் பாதிப்பு உள்ளவர்கள், என அனைவருக்குமே இந்த முருங்கை பெரும் பலன் தருகிறது.

முருங்கைக்காய் விதைகள் அதிக சத்தானவை.. வாரத்தில் 2 முறையாவது முருங்கைக்காய் சாப்பிட்டால், ரத்தமும், சிறுநீரும் சுத்தமாகும்.. இந்த விதைகளை குழந்தைகளுக்கு தந்தால், மலக்குடல்களில் இருக்கும் கிருமி பூச்சிகள் வெளியேறும்.. இந்த முருங்கை விதைகளை, நெய்யில் வறுத்துப் பொடித்து, பாலுடன் சேர்த்து காய்ச்சிக் குடித்தால் ஆண்களுக்கு விந்தணுக்கள் அதிகரிக்கும். நரம்புகள் வலுப்பெறும். அதேசமயம், உடல் எடை குறைப்பதிலும் உதவுகிறது.

முருங்கை பொடி: அதேபோல, முருங்கையிலையை காயவைத்து, பொடி செய்துவைத்து கொண்டால், இதுவும் உடல் எடையை குறைக்க பேருதவி புரிகிறது. இந்த பொடியில் டீ போட்டு குடிக்கலாம்.. அல்லது வெந்நீரில் இந்த பொடியை ஒரு ஸ்பூன் சேர்த்து கொதிக்க வைத்து குடிக்கலாம்.

அடுத்ததாக சப்ஜா விதைகளையும் உடல் எடை குறைப்பதில் பயன்படுத்தலாம்.. இதிலுள்ள ஒமேகா -3, ஒமேகா -6 போனற் கொழுப்பு அமிலங்கள் நம்முடைய உடலின் வளர் சிதை மாற்றத்தை பராமரிப்பதுடன், உடல் எடையை குறைக்கும் அத்தியாவசியமான கொழுப்புகளையும் உருவாக்குகின்றன.

நார்ச்சத்து அதிகம்: இந்த விதையிலுள்ள கால்சியம், பாஸ்பரஸ், மெக்னீசியம், இரும்பு சத்து இப்படி அனைத்து சத்துக்களும், எடை இழப்புக்கு அவசியமான தாதுக்களாகும். நார்ச்சத்து அதிகம் நிறைந்த பொருள் என்பதால், நம்முடைய உடலில் உள்ள தேவையற்ற நீரை வெளியேற்ற இந்த விதைகள் உதவுகின்றன.

உடல் எடையை குறைக்க நினைப்பவர்களுக்கு மட்டுமல்ல, சர்க்கரை நோயாளிகளுக்கும் இந்த விதைகள் மிகவும் நன்மைதரக்கூடியது.. இதிலுள்ள அதிக அளவிலான நார்ச்சத்து, ரத்த சர்க்கரை அளவு அதிகரிப்பை தடுக்கிறது. ஒரு ஸ்பூன் சப்ஜா விதையில் 7 கிராம் நார்ச்சத்து இருக்கிறதாம்.. அதனால்தான், எடை இழப்புக்கு மிகச்சிறந்த உணவாக இது பார்க்கப்படுகிறது. அத்துடன் பசியையும் கட்டுப்படுத்தக்கூடியது இந்த சப்ஜா விதைகள்.

எப்படி பயன்படுத்தலாம்: சப்ஜா விதைகள் எப்போதுமே தண்ணீரில் ஊறவைத்து பயன்படுத்த வேண்டும்... 15 முதல் 20 நிமிடங்கள் வரை ஊற வைத்தபிறகு, சாப்பிடலாம். எலுமிச்சை ஜூஸ், பலூடா அல்லது மற்ற பிரெஷ் ஜூஸ்களில் சேர்த்து இந்த விதைகளை சாப்பிடலாம்.