IT Jobs: அனுபவம் தேவையில்லை.. சென்னை எச்சிஎல் நிறுவனத்தில் வேலை ரெடி.. ஏப்ரல் 24ல் இண்டர்வியூ

சென்னை: சென்னையில் செயல்பட்டு வரும் எச்சிஎல் ஐடி நிறுவனத்தில் காலிப்பணியிடங்கள் நிரப்பப்பட உள்ளது. இதற்கான இண்டர்வியூ ஏப்ரல் 24 ம் தேதி காலை 11 மணி முதல் மதியம் 2 மணி வரை நாவலூரில் உள்ள அலுவலகத்தில் நடைபெற உள்ளது. இந்த பணிக்கு அனுபவம் தேவையில்லை. டிகிரி முடித்தவர்கள் விண்ணப்பம் செய்யலாம்.

உத்தர பிரதேச மாநிலம் நொய்டாவை தலைமையிடமாக கொண்டு எச்சிஎல் ஐடி நிறுவனம் செயல்பட்டு வருகிறது. இதுதவிர நம் நாட்டின் முக்கிய நகரங்கள் மற்றும் வெளிநாடுகளிலும் இந்த நிறுவனம் இயங்கி வருகிறது.

இந்நிலையில் தான் எச்சிஎல் ஐடி நிறுவனத்தில் International Voice Process பணிக்கு ஆட்கள் தேர்வு செய்யப்பட உள்ளனர். இந்த பணிக்கு என்னென்ன தகுதிகள் வேண்டும்? என்பது பற்றி இங்கே பார்க்கலாம்.

கல்வி தகுதி என்ன?

இன்டர்நேஷனல் வாய்ஸ் புராசஸ் பணிக்கு கல்லூரி அல்லது பல்கலைக்கழகங்களில் ஏதாவது ஒரு பிரிவில் டிகிரி படிப்பை முடித்திருக்க வேண்டும். இது Freshers-க்கான பணியாகும். எனவே முன் அனுபவம் தேவையில்லை. அதேவேளையில் பிஇ, பிடெக், எம்சிஏ, எம்எஸ்சி இன்பர்மேஷன் டெக்னாலஜி, கம்ப்யூட்டர் சயின்ஸ் உள்ளிட்ட படிப்புகளை முடித்தவர்கள் இண்டர்வியூவில் பங்கேற்க வேண்டாம்.

வேறு தகுதிகள் என்ன வேண்டும்?

இந்த பணியை விரும்புவோருக்கு ஆங்கிலத்தில் சரளமாக பேசவும், எழுதவும் தெரிந்திருக்க வேண்டும். பிரச்சனைகளை தீர்க்கும் திறன் இருக்க வேண்டும். மேலும், மல்டி டாஸ்க் திறமை இருக்க வேண்டும். ஷிப்ட் என்பது ரொட்டேஷனல் முறையில் இருக்கும். இதனால் நைட் ஷிப்ட் பார்க்கவும் தயாராக வேண்டும்.

பணி என்ன?

பணிக்கு தேர்வாகும் நபர்கள் கஸ்டமர் சப்போர்ட் (புராசஸ் அசோசியேட்) என்ற பெயரில் நியமனம் செய்யப்படுவார்கள். இதனால் Inbound Calling இருக்கும். அதேவேளையில் சேல்ஸ் அல்லது அப்செல்லிங் அல்லது கிராஸ் செல்லிங் கிடையாது என அதிகாரப்பூர்வ அறிவிப்பில் தெரிவிக்கப்பட்டுள்ளது.

ஏப்ரல் 24ல் இண்டர்வியூ

தற்போதைய அறிவிப்பின்படி பணிக்கான சம்பளம் பற்றி எதுவும் தெரிவிக்கப்படவில்லை. தகுதி மற்றும் திறமையை பொறுத்து சம்பளம் நிர்ணயம் செய்யப்பட உள்ளது. இதுபற்றி கடைசி கட்ட இண்டர்வியூவில் தெரிவிக்கப்படும். இந்தபணிக்கான இண்டர்வியூ ஏப்ரல் 24ம் தேதி (நாளை மறுநாள்) காலை 11 மணி முதல் மதியம் 2 மணி வரை நடைபெற உள்ளது.

இண்டர்வியூ எங்கே?

இண்டர்வியூவில் பங்கேற்க விரும்புவோர் ஏப்ரல் 24ம் தேதி HCL Technologies Ltd, SandhyaInfocity, No.33, Block 1, Rajiv Gandhi Salai (OMR), Navalur, Chennai - 600 130 ETA 3 என்ற முகவரிக்கு செல்ல வேண்டும். அங்கு தான் இண்டர்வியூ நடைபெறும். பணிக்கு தேர்வாகும் நபர்கள் நாவலூரில் உள்ள அலுவலகத்திலேயே நியமனம் செய்யப்பட உள்ளனர்.

பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here

English summary

HCL IT Jobs 2026: HCL walk in drive for fresher International voice process roles on Aparil 24 in Chennai. Selected candidates will be appointed at Navalur in Chennai.