வேலூரில் வேலை.. சமூக நலத்துறை அறிவிப்பு.. 8ஆம் வகுப்பு முடிச்சவங்களுக்கும் ஜாப் இருக்கு.. ரெடியா!

சென்னை: வேலூர் மாவட்டத்தில் உள்ள அடுக்கம்பாறை அரசுமருத்துவக் கல்லூரி மற்றும் மருத்துவமனையில் இயங்கும் ஒருங்கிணைந்த சேவை மையம் என்ற திட்டத்தின் கீழ் காலியாக உள்ள பணியிடங்களை நிரப்புவதற்கான அறிவிப்பு வெளியாகியுள்ளது. இந்த பணியிடங்களுக்கு யாரெல்லாம் விண்ணப்பிக்கலாம் என்ற விவரங்களை பார்க்கலாம்.

தமிழக அரசின் சமூக நலத்துறையின் தரப்பில், அரசு மருத்துவ கல்லூரி மற்றும் மருத்துவமனையின் கீழ் "ஒன் ஸ்டாப் சென்டர்" திட்டத்தில் செயல்படுகிறது. சகி-ஒருங்கிணைந்த சேவை மையத்தில் பணியிடங்களை நிரப்புவதற்கான அறிவிப்பு வெளியாகியிருக்கிறது. அந்த வகையில், வேலூர் மாவட்டத்தில் உள்ள அடுக்கம்பாறை அரசுமருத்துவக் கல்லூரி மற்றும் மருத்துவமனையில் இயங்கும் ஒருங்கிணைந்த சேவை மையம் என்ற திட்டத்தின் கீழ் 5 பணியிடங்களை நிரப்புவதற்கான அறிவிப்பு வெளியாகியுள்ளது.

கல்வி தகுதி: வழக்கு பணியிடத்திற்கு சமூக பணி அல்லது உளவியல் பிரிவில் இளங்கலை பட்டம் முடித்து இருக்க வேண்டும். உடல் ஊனமற்றவராக இருத்தல் வேண்டும். ஒரு வருடத்திற்கும் மேலாக முன் அனுபவமும் பெற்றிருத்தல் அவசியம். உள்ளூரில் வசிக்கும் பெண்கள் மட்டுமே விண்ணப்பிக்க முடியும்.

பாதுகாவலர் பணியிடத்திற்கு 10 ஆம் வகுப்பு (பாஸ்/ பெயில்) முடித்து இருக்க வேண்டும். ஓட்டுநர் உரிமம் மற்றும் உரிய ஆவணங்கள் பெற்றிருக்க வேண்டும். 2 வருடத்திற்கு மேலாக முன் அனுபவம் பெற்றிருத்தல் அவசியம். 24 மணி நேரமும் பணி சுழற்சி முறையில் பணி புரிந்திட விருப்பம் உள்ளவராக இருக்க வேண்டும். உள்ளூர் விண்ணப்பதாரராக இருத்தல் அவசியம். உள்ளூர் காவல் நிலையத்தில் தடையில்லா (NOC) பெற்று வர வேண்டும்.

பல்நோக்கு உதவியாளர்: 8 ஆம் வகுப்பு தேர்ச்சி அல்லது 10 ஆம் வகுப்பு பாஸ் /பெயில். நன்கு சமைக்க தெரிந்த பெண்களாக இருக்க வேண்டும். 24 மணி நேரமும் பணி சுழற்சிமுறையில் பணிபுரிந்திட விருப்பம் உள்ளவராக இருக்க வேண்டும். உள்ளூர் விண்ணப்பதாரராகவும் மையத்திலேயே தங்க விருப்பம் உள்ளவராகவும் இருத்தல் அவசியம்.

காலிப்பணியிடங்கள்: வழக்கு பணியாளர் I & 2 (Case Worker), பாதுகாவலர் I & 2 (Security) மற்றும் பல்நோக்கு உதவியாளர் (Multi Purpose Worker) என 5 பணியிடங்கள் நிரப்புவதற்கன அறிவிபு வெளியாகியுள்ளது.

விருப்பமும் தகுதியும் உள்ள விண்ணப்பதாரர்கள் வேலூர் மாவட்ட ஆட்சியர் அலுவலக இணையதளம் https://vellore.nic.in/notice_category/recruitment/ சென்று விண்ணப்ப படிவத்தை டவுன்லோடு செய்து தேவையான ஆவணங்களுடன் வரும் 17.8.2023 க்குள் சமர்பிக்க வேண்டும்.

அலுவலக முகவரி: மாவட்ட சமூக நல அலுவலகம், பி பிளாக், 4-வது தளம், மாவட்ட ஆட்சியரகம், வேலூர் 09

English summary

A notification has been issued to fill up the vacant posts under the Integrated Service Center scheme run by the Government Medical College and Hospital in Vellore district. Check the details of who can apply for these posts.