எழுத படிக்க தெரிந்தால் போதும்.. தமிழக அரசில் செம ஜாப்.. எக்ஸாம் கிடையாது.. மாதம் 58,000 வரை சம்பளம்

Published: Tuesday, July 9, 2024, 6:38 [IST]

Subscribe to Oneindia Tamil

சென்னை: தமிழ் வளர்ச்சித்துறையில் காலியாக உள்ள 6 பணியிடங்களை நிரப்புவதற்கான அறிவிப்பு வெளியாகியுள்ளது. இந்த பணியிடங்களுக்கு யாரெல்லாம் விண்ணப்பிக்கலாம்.. கல்வி தகுதி என்ன என்பது உள்ளிட்ட விவரங்களை இங்கு பார்க்கலாம்.

தமிழ் வளர்ச்சித்துறையில் காலியாக உள்ள பணியிடங்களை நிரப்புவதற்கான அறிவிப்பு வெளியாகியுள்ளது. மொத்தம் 6 பணியிடங்கள் நிரப்பப்படுகின்றன. தேர்வு எதுவும் இன்றி நேரடியாக இந்த பணியிடங்கள் நிரப்பப்படுகின்றன. இந்த பணியிடங்களுக்கு யாரெல்லாம் விண்ணப்பிக்கலாம்.. கல்வி தகுதி என்ன? வயது வரம்பு என்ன உள்ளிட்ட விவரங்களை இங்கே பார்க்கலாம்...

பணியிடங்கள் விவரம்:
அலுவலக உதவியாளர் - 04 பணியிடங்கள்
துப்புரவாளர் - 01
தோட்ட துப்புரவாளர் - 01

கல்வி தகுதி:
அலுவலக உதவியாளர் பணியிடங்களுக்கு 8 ஆம் வகுப்பு தேர்ச்சி பெற்றிருந்தால் போதுமானது. துப்புரவாளர் மற்றும் தோட்ட துப்புரவாளர் பணிக்கு 5 ஆம் வகுப்பில் தேர்ச்சி பெற்றிருந்தால் போதும்.

வயது வரம்பு:
மேற்சொன்ன பணியிடங்களுக்கு விண்ணப்பிக்க விரும்புவர்கள் 18 வயது முதல் 32 வயதுக்கு உட்பட்டவர்களாக இருக்க வேண்டும். எம்.பி.சி / பி.சி பிரிவினருக்கு வயது வரம்பில் 2 ஆண்டுகள் தளர்வு உண்டு. அதாவது இந்த பிரிவினர் 34 வயது வரை விண்ணப்பிக்கலாம். எஸ்.சி/எஸ்.டி பிரிவினருக்கு அதிகபட்ச வயது வரம்பில் 5 ஆண்டுகள் தளர்வு உண்டு.

சம்பளம்: சம்பளத்தை பொறுத்தவரை அலுவலக உதவியாளர் பணிக்கு ரூ.15,700- 58,100 வரை கிடைக்கும். துப்புரவாளர் பணிக்கு ரூ.15,700 - 58,100- வரையும், தோட்ட துப்புரவாளர் பணிக்கு ரூ.4,100- 12,500 வரையும் சம்பளம் வழங்கப்படும்.

விண்ணப்பிப்பது எப்படி?:
இந்த பதவிக்கு விண்ணப்பிக்கு விரும்புவர்கள் தபால் மூலமாக விண்ணப்பிக்க வேண்டும். நேரிலும் விண்ணப்பங்களை அளிக்கலாம். தமிழ் வளர்சித்துறை இணையதளத்தில் விண்ணப்பத்தை டவுன்லோடு செய்து, அதில் கேட்கப்படுள்ள விவரங்களை பூர்த்தி செய்ய வேண்டும். தேவையான சான்றிதழ்களின் நகல்களை இணைத்து வரும் 26.07.2024-க்குள் விண்ணப்பிக்க வெண்டும்.

விண்ணப்பிக்க வேண்டிய முகவரி:
தமிழ் வளர்ச்சி துணை இயக்குநர்,
தமிழ் வளர்ச்சி இயக்ககம்,தமிழ்ச்சாலை
எழும்பூர், சென்னை-600008

விண்னப்பத்துடன் இணைக்க வேண்டிய ஆவணங்கள்:
புகைப்படத்துடன் கூடிய அடையாள அட்டை, கல்வி சான்று, சாதிசான்று, குடும்ப அட்டை/வாக்காளர் அட்டை/ ஆதார் அட்டை ஆகியவற்றின் நகல்களை இணைத்து அனுப்ப வேண்டும்.

தேர்வர்கள் விண்ணப்பிக்கும் முன்பாக தேர்வு அறிவிப்பினை முழுமையாக படித்து அறிந்துகொள்ளவும். தேர்வு செய்யப்படும் விண்ணப்பதாரர்கள் தமிழகத்தில் உள்ள எந்த மாவட்டத்திலும் நியமனம் செய்யப்படுவார்கள். விண்ணப்ப படிவத்தினை https://tamilvalarchithurai.tn.gov.in/ என்ற இணையதளத்தில் டவுன்லோடு செய்து கொள்ளலாம்.

Published On July 9, 2024