பொதுத்துறை நிறுவனத்தில் 500 உதவியாளர் பணியிடங்கள்.. 40,000 சம்பளம்.. டிகிரி முடித்திருந்தால் போதும்

சென்னை: நியூ இந்தியா அஷ்யூரன்ஸ் காப்பீட்டு நிறுவனத்தில் காலியாக உள்ள 500 உதவியாளர் பணியிடங்களை நிரப்ப அறிவிப்பு வெளியாகியுள்ளது. இதற்கு யாரெல்லாம் விண்ணப்பிக்கலாம்? கல்வி தகுதி என்ன? ஆகிய விவரங்களை இங்கே பார்க்க்லாம்.

நாட்டின் முன்னணி பொதுத்துறை காப்பீட்டு நிறுவனம் நியூ இந்தியா அஷ்யூரன்ஸ். மும்பையை தலைமையிடமாக கொண்டு செயல்படும் இந்த நியூ இந்தியா அஷ்யூரன்ஸ் நிறுவனம் மத்திய நிதி அமைச்சகத்தின் செயல்படுகிறது. நாடு முழுவதும் பல்வேறு நகரங்களில் கிளையுடன் இயங்கி வரும் இந்த காப்பீட்டு நிறுவனம் ஒரு பொத்துறை நிறுவனம் என்பதால் இதில் பணியாற்றும் ஊழியர்களுக்கு கை நிறைய சம்பளம்+ சலுகைகள் உள்ளிட்டவை கிடைக்கும்.

இந்த நிறுவனத்தில் ஏற்படும் காலிப்பணியிடங்கள் அவ்வப்பொது நிரப்பபடுகின்றன. அந்த வகையில் தற்போது காலியாக உள்ள 500 உதவியாளர் பணியிடங்களை நிரப்ப அறிவிப்பு வெளியாகியுள்ளது.

பணியிடங்கள் விவரம் & கல்வி தகுதி: அசிஸ்டண்ட் - 500 பணியிடங்கள். இந்த பணியிடங்களுக்கு விண்ணப்பிப்பவர்கள் ஏதேனும் ஒரு பாடப்பிரிவில் டிகிரி முடித்து இருந்தால் போதும். உள்ளூர் மொழிகளை படிக்க, எழுத, பேச தெரிந்து இருப்பது அவசியம்.

வயது வரம்பு: 01.12.2024 தேதிப்படி 21 வயது முதல் 30 வயதுக்குட்பட்டவர்கள் இந்த பணியிடங்களுக்கு விண்ணப்பிக்கலாம். அரசு விதிகளின் படி வயது உச்ச வரம்பில் தளர்வுகள் உண்டு. அது குறித்த விவரம் வருமாறு:-
எஸ்சி / எஸ்.டி: 5 வருடங்கள்
ஒபிசி: 3 வருடங்கள்
பொதுப்பிரிவு மாற்றுத்திறனாளிகள்: 10 ஆண்டுகள்
மாற்றுத்திறனாளிகள் (எஸ்சி /எஸ்டி): 15 ஆண்டுகள்
மாற்றுத்திறனாளிகள் (ஒபிசி): 13 ஆண்டுகள்

சம்பளம் எவ்வளவு?: தேர்வு செய்யப்படும் விண்ணப்பதாரர்களுக்கு மாதம் ரூ. 40 ஆயிரம் சம்பளம் வழங்கப்படும். இந்த பணியிடத்திற்கு இரு கட்ட எழுத்து தேர்வு, நேர்முகத்தேர்வு நடைபெறும். இதன் பிறகு பணியாளர்கள் சேர்த்துக்கொள்ளப்படுவார்கள்.

விண்ணப்ப கட்டணம்: விண்ணப்ப கட்டணமாக ரூ. 850 செலுத்த வேண்டும். எஸ்சி /எஸ்டி/ மாற்றுத்திறனாளிகள் ஆகியோருக்கு ரூ.100 செலுத்தினால் போதும். விண்ணப்பிக்கும் பொதே ஆன்லைனில் கட்டணம் செலுத்த வேண்டும். தகுதியும் ஆர்வமும் உள்ள விண்ணப்பதாரர்கள் ஆன்லைன் வழியாக விண்ணப்பிக்க வேண்டும். விண்ணப்பிக்க கடைசி நாள் 1.1.2025 ஆகும்.

தேர்வு அறிவிப்பினை படிக்க: https://www.newindia.co.in/

English summary

New India Assurance Insurance Company has announced a recruitment notification for 500 vacancies for Assistant posts. Who can apply for this? What are the educational qualifications? You can check the details here.