எல்லா கேட்ச்சையும் சாமிக்கே விட்ரணும்னு... வேண்டிக்கிட்டே விளையாட வந்துருப்பாங்க போல!
சென்னை : சிஎஸ்கே அணியின் தோல்வியையும், ஆர்சிபி அணியின் வரலாற்று வெற்றியையும் வைத்து நகைச்சுவையான மீம்ஸ்களைப் பகிர்ந்து வருகின்றனர் கிரிக்கெட் ரசிகர்கள்.
சென்னை சேப்பாக்கம் எம்.ஏ.சிதம்பரம் அரங்கில் 17 ஆண்டுகளுக்குப் பின், சென்னை சூப்பர் கிங்ஸ் அணிக்கு எதிராக ராயல் சேலஞ்சர்ஸ் பெங்களூரு அணி நேற்று தனது வெற்றியைப் பதிவு செய்தது. இது ஆர்சிபி ரசிகர்களை குதூகலிக்க வைத்துள்ள அதே நேரத்தில், சிஎஸ்கே ரசிகர்களை கடும் அதிர்ச்சி அடைய வைத்துள்ளது என்றுதான் கூற வேண்டும். ஆனாலும் தங்களது சோகத்தை வெளிக்காட்டிக் கொள்ளாமல், வழக்கம் போல் மீம்ஸ்களில் கெத்துக் காட்டி வருகின்றனர்.
"இந்த சிஎஸ்கே பாய்ஸ்... எல்லா கேட்ச்சையும் சாமிக்கே விட்ரணும்னு... வேண்டிக்கிட்டே விளையாட வந்துருப்பாங்க போல" என்பதில் தொடங்கி, "சுதந்திரம் வாங்குறதுக்கு முன்னாடி இருந்தே, இந்த சிஎஸ்கேயோட ஆவரேஜ் ஸ்கோர் நூத்தி அம்பதுதான்.. இதுல புதுசா நாம சரியா விளையாடலனு திட்டிக்கிட்டு இருக்காங்க" என விதவிதமாக மீம்ஸ்களைப் பகிர்ந்து, வலிக்காத மாதிரியே நடித்து வருகின்றனர் சிஎஸ்கே ரசிகர்கள்.
இது ஒருபுறம் இருக்க, ஆர்சிபி ரசிகர்கள், "இன்னைக்கு சிஎஸ்கேவை அடிச்ச உடனேயே கப்பை தூக்கி வெளில வச்சிடுங்க.. நாங்க பைனல்ஸ்ல வந்து வாங்கிக்கறோம்" என கெத்து காட்டி வருகின்றனர்.
இதோ அப்படியாக நம் கண்ணில் பட்ட சில கிரிக்கெட் ஸ்பெஷல் மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google