"முதல் மேட்ச்-க்கு பிறகு வண்டி ஓடாது" காவ்யா மாறனின் ஐதராபாத்தை வீழ்த்திய கேகேஆர்.. பெஸ்ட் மீம்ஸ்!

Updated: Friday, April 4, 2025, 10:25 [IST]

Subscribe to Oneindia Tamil

கொல்கத்தா: ஐதராபாத் அணிக்கு எதிரான போட்டியில் ஐதராபாத் அணி 80 ரன்கள் வித்தியாசத்தில் அபார வெற்றியை பெற்றுள்ளது. இந்த போட்டியில் பேட் கம்மின்ஸ் தலைமையிலான ஐதராபாத் அணி தோல்வியடைந்ததையடுத்து சோசியல் மீடியாவில் ரசிகர்கள் உருவாக்கிய தரமான மீம்ஸை பார்க்கலாம்.

சீனா தானா படத்தில் ஒருவரின் தலையில் இருந்து கையை எடுத்தால், அந்த நபர் கழுத்தை கடிக்கும் வினோத பிரச்சனை இருக்கும் போது, தேவையில்லாமல் சென்று வாக்குவாதம் செய்து வடிவேலு சிக்கலில் மாட்டிக் கொள்வார். அப்போது அதற்கு முன்பாக சிக்கியவர், "அண்ணே.. ரொம்ப நன்றி.. 2 நாளா மாட்டிக்கிட்டு இருந்தேனே" என்று சொல்வார். அப்படி வினோத நோயால் பாதிக்கப்பட்டவராக வெங்கடேஷ் ஐயரையும், இத்தனை நாட்களாக மாட்டி கொண்டவராக மும்பை அணியையும், புதிதாக மாட்டிக் கொண்டவராக ஐதராபாத் அணியையும் மாற்றி, "வந்து காப்பாத்துனதுக்கு ரொம்ப நன்றி அண்ணே" என்று சொல்வதாக உருவாக்கப்பட்டுள்ள மீம் குதிச்சிடுடா கைப்புள்ள மொமண்ட்.

நடுவுல கொஞ்சம் பக்கத்துல காணோம் படத்தில் கிரிக்கெட் விளையாடும் போது விக்கெட் வீழ்த்தும் பக்ஸ், "டேய் தம்பி.. ஊஊஊஊஊஊஊ.. டேய் தம்பி" என்று வம்புக்கு இழுத்து ஜாலியாக கொண்டாடுவார். அதில் வரும் பகவதி பெருமாளை மற்ற அணிகளின் ரசிகர்களாக மாற்றி, ஐதராபாத் பேட்ஸ்மேன்களின் மோசமான ஆட்டத்திற்கு "ஊஊஊஊஊஊ" என்று கொண்டாடுவதாக உருவாக்கப்பட்டுள்ள மீம் ஜாலியோ ஜிம்கானா மொமண்ட்.

பட்ஜெட் பத்மநாபன் படத்தில் ஆட்டோ ஓட்டும் வடிவேலு, "6 மணிக்கு மேல வண்டி ஓடாது" என்று சொல்லுவார். அதில் வரும் வடிவேலுவை இஷான் கிஷனாக மாற்றி, "முதல் மேட்ச்-க்கு அப்புறம் வண்டி ஓடாது" என்று சொல்வதாக உருவாக்கப்பட்டுள்ள மீம் பல்தான்ஸ் ரசிகர்களின் மனசாட்சி.

சிவா மனசுல சக்தி படத்தில் சந்தானத்தை பார்த்து ஜீவா, "நீ பகல்ல ஸ்வெட்டர் போடும் போதே தெரியும்.. பெருசா பல்ப் வாங்க போறனு" என்று சொல்வார். அதில் வரும் சந்தானத்தை ஐதராபாத் அணியாகவும், ரசிகர்களாக ஜீவாவையும் மாற்றி, "நீ டாஸ் வின் பண்ணி பவுலிங்னு சொல்லும் போதே தெரியும்.. பெரிய பல்பா வாங்க போறனு" என்று உருவாக்கப்பட்டுள்ள மீம் எல்லா லைட்டையும் ஆஃப் பண்ணுங்கப்பா மொமண்ட்.

மஜா படத்தில் வடிவேலு, இந்த புலிப்பாண்டி மோசமானவன் தான்.. ஆனா அது குழந்தைகளுக்கு கிடையாது என்று சொல்வார். அதனை அப்படியே டிராவிஸ் ஹெட்டாக மாற்றி, "இந்த டிராவிஸ் ஹெட் மோசமானவன் தான்.. ஆனால் இந்த கேகேஆர் கிட்ட அல்ல" என்று உருவாக்கப்பட்டுள்ள மீம் சோதனை மேல் சோதனை ரகம்.