மேட்ச் பிக்சிங்: "மனோஜ் பிரபாகருக்கு கபில்தேவ் பணம் கொடுத்தார்"
பாகிஸ்தான் பட்ஜெட்டில் ராணுவத்துக்கு 22 சதவீத ஒதுக்கீடு
கராச்சி:
பாகிஸ்தான் அரசு தனது 2000-2001-ம் ஆண்டுக்கான பட்ஜெட்டில் ராணுவத்துக்கு ரூ.160 பில்லியன் ஒதுக்கும் என்று எதிர்பார்க்கப்படுகிறது.அதாவது மொத்த பட்ஜெட் ஒதுக்கீட்டில் இது 22 சதவீதமாகும்.
அடுத்த ஆண்டுக்கான மொத்த பட்ஜெட் ஒதுக்கீடு ரூ.720 பில்லியனாகும். இது கடந்த ஆண்டு ஒதுக்கீடான ரூ.656 பில்லியனை விட 9.7 சதவீதம்அதிகமாகும். பட்ஜெட் ஒதுக்கீட்டில் 22 சதவீதத்தை ராணவத்துக்குப் பாகிஸ்தான் அரசு ஒதுக்குவது மிகவும் முக்கியத்துவம் வாய்ந்ததாகக்கருதப்படுகிறது.
இந்தியாவிலும் சமீபத்தில் பட்ஜெட் ஒதுக்கீட்டில் ராணுவத்துக்குக் கூடுதலாக ரூ.11 ஆயிரம் கோடி ஒதுக்கப்பட்டது குறிப்பிடத்தக்கது. இதற்குப்பதிலடியாக பாகிஸ்தானும் தனது பட்ஜெட்டில் ராணுவத்துக்கு அதிக ஒதுக்கீடு அளித்துள்ளது.
நாட்டின் மொத்த வருவாய் ரூ.600 பில்லியனாக இருக்கும் என்றும், இதில் வரி வருவாய் உள்ளிட்ட பிரிவுகளில் ரூ.400 பில்லியன் கிடைக்கும் என்றும்மீதமுள்ள ரூ.200 பில்லியன் வெளி வருவாயாகக் கிடைக்கும் என்றும் மதிப்பிடப்பட்டுள்ளது. செலவினங்களைப் பொறுத்தவரை கடனுக்கு ரூ.300பில்லியனும் ராணுவத்துக்கு ரூ.160 பில்லியனும் ஒதுக்கப்படும். வளர்ச்சிப் பணிகளுக்கு ரூ.115 பில்லியன் ஒதுக்கப்படும்.
2000-2001-ம் ஆண்டு பட்ஜெட்டை, நிதி அமைச்சர் செளகத் அஸிஸ் மே 27 அல்லது ஜூன் 3-ம் தேதி சமர்ப்பிப்பார் என்று எதிர்பார்க்கப்படுகிறது.நாடாளுமன்றம் கலைக்கப்பட்டதை அடுத்து, பட்ஜெட்டுக்கு அதிபர் ரஃபீக் தரார் ஒப்புதல் அளிப்பார்.
ஐ.ஏ.என்.எஸ்.