கலாமுக்கு பதில் பிரதமரின் ஆலோசகரானார் சிதம்பரம்

மும்பை:

பிரதமரின் அறிவியல் ஆலோசகராக அணு ஆராய்ச்சி விஞ்ஞானி சிதம்பரம் நியமிக்கப்பட்டுள்ளார்.

பிரதமரின் அறிவியல் ஆலோசகராக இதுவரை இருந்து வந்த விஞ்ஞானி அப்துல் கலாமின் பதவிக்காலம்முடிவடைந்ததை அடுத்து, அந்தப் பதவிக்கு பிரபல அணு விஞ்ஞானி ஆர்.சிதம்பரம் நியமிக்கப்பட்டுள்ளார்.இதற்கான உத்தரவை நேற்று (வெள்ளிக்கிழமை) மாலை, பிரதமர் அலுவலகம் அவரிடம் அளித்தது.

புதிதாக இந்தப் பதவிக்கு நியமிக்கப்பட்டுள்ள விஞ்ஞானி சிதம்பரம், கடந்த 1998ம் ஆண்டு பொக்ரானில்நடத்தப்பட்ட அணுகுண்டு சோதனையில் முக்கியப்பங்கு வகித்தவர். மேலும் கடந்த 1974ம் ஆண்டு பொக்ரானில்நடத்தப்பட்ட அணுகுண்டு சோதனையிலும் முக்கியப் பங்காற்றியுள்ளார்.

தமிழகத்தைச் சேர்ந்தவரான விஞ்ஞானி சிதம்பரம், இதற்கு முன்பு அணுசக்தித் துறை கமிஷனின் தலைவராகப்பணியாற்றி வந்தார். மேலும் அணுசக்தித் துறைத் தலைவராகவும் தற்போது பணியாற்றி வருகிறார். அப்துல் கலாமும்ராமநாதபுரத்தைச் சேர்ந்த தமிழர் தான் என்பது குறிப்பிடத்தக்கது.