பிரபாகரனை பிடிக்கும் தீர்மானத்தை ஆதரிக்க இளங்கோவன் முடிவு

சென்னை:

விடுதலைப்புலிகளின் தலைவரான வேலுப்பிள்ளை பிரபாகரனை இந்தியாவுக்குப் பிடித்துக் கொண்டு வரவேண்டும்என்று தமிழக சட்டசபையில் நாளை (செவ்வாய்க்கிழமை) நிறைவேற்றப்படவுள்ள தீர்மானத்தை ஆதரிக்கப்போவதாக தமிழக காங்கிரஸ் தலைவர் இளங்கோவன் கூறினார்.

இதுகுறித்து இன்று நிருபர்களிடம் இளங்கோவன் கூறியதாவது:

பிரபாகரனைப் பிடிப்பது தொடர்பாகவும் புலிகள் மீதான தடையை நீட்டிக்கச் செய்வது தொடர்பாகவும் தமிழகஅரசு நாளை சட்டசபையில் தீர்மானம் கொண்டு வரவுள்ளது.

இந்தத் தீர்மானத்தை காங்கிரஸ் கட்சி முழுமையாக ஆதரிக்கும்.

மேலும் இத்தீர்மானத்தை திமுகவும் ஆதரிக்க வேண்டும் என்று நாங்கள் கேட்டுக் கொள்கிறோம்.

தமிழக உளவுத்துறை மூலம் அகில இந்திய காங்கிரஸ் தலைவரான சோனியா காந்தி வேவு பார்க்கப்படுவதைஎதிர்த்துப் போராட்டம் நடத்துவோம் என்றார் இளங்கோவன்.