ராஜ்யசபா எம்.பியாக பதவியேற்றார் வாசன்

டெல்லி:

தமிழ் மாநில காங்கிரஸ் தலைவரான ஜி.கே. வாசன் இன்று (திங்கள்கிழமை) ராஜ்யசபா எம்.பியாகப் பதவியேற்றார்.

துணை ஜனாதிபதியும் ராஜ்யசபா தலைவருமான கிருஷ்ணகாந்த் முன்னிலையில் ராஜ்யசபா எம்.பியாக வாசன்பதவிப் பிரமாணம் எடுத்துக் கொண்டார்.

தமிழிலேயே வாசன் பதவிப் பிரமாணத்தை வாசித்தார் என்பது குறிப்பிடத்தக்கது.

திமுக ராஜ்யசபா எம்.பியான சண்முகசுந்தரமும் இன்று பதவிப் பிரமாணம் எடுத்துக் கொண்டார்.

இவர்கள் தவிர, பாஜகவின் அகில இந்தியத் தலைவரான ஜனா கிருஷ்ணமூர்த்தி, பீகார் முன்னாள் முதல்வரானலல்லு பிரசாத் யாதவ் உள்பட 36 பேர் இன்று ராஜ்யசபா எம்.பிக்களாகப் பதவியேற்றுக் கொண்டனர்.

இவர்கள் பதவியேற்பின்போது பிரதமர் வாஜ்பாயும் ராஜ்யசபாவில் இருந்தார் என்பது குறிப்பிடத்தக்கது.