சென்னை-நாகர்கோவில் இடையே தீபாவளி சிறப்பு ரயில்கள்

சென்னை:

தசரா மற்றும் தீபாவளியையொட்டி சென்னையிலிருந்து நாகர்கோவில் மற்றும் திருவனந்தபுரத்திற்கு சிறப்புரயில்களை தென்னக ரயில்வே இயக்கவுள்ளது.

சென்னை எழும்பூரிலிருந்து நாகர்கோவிலுக்கு வரும் 11 மற்றும் நவம்பர் 1 ஆகிய நாட்களில் சிறப்பு ரயில்கள்இயக்கப்படும்.

இரவு 10 மணிக்குக் கிளம்பி மறு நாள் பிற்பகல் 12.30 மணிக்கு இந்த ரயில்கள் நாகர்கோவில் போய்ச் சேரும்.

மறு மார்க்கத்தில் வரும் 15 மற்றும் நவம்பர் 5 ஆகிய தேதிகளில் நாகர்கோவிலிலிருந்து பிற்பகல் 3.35 மணிக்குக்கிளம்பி மறுநாள் காலை 6.30 மணிக்கு சென்னை வந்து சேரும்.

அதேபோல, திருவனந்தபுரத்திற்கு சென்னை சென்ட்ரல் ரயில் நிலையத்திலிருந்து வரும் 11ம் தேதி இரவு 9.15மணிக்கு சிறப்பு ரயில் கிளம்பி அடுத்த நாள் மாலை 4 மணிக்கு போய்ச் சேரும்.

மறு மார்க்கத்தில் திருவனந்தபுரத்திலிருந்து வரும் 14ம் தேதி பிற்பகல் 1.30 மணிக்கு கிளம்பும் இந்தச் சிறப்பு ரயில்அடுத்த நாள் காலை 6.35 மணிக்கு சென்னை வந்து சேரும்.தென்னக ரயில்வே வெளியிட்டுள்ள செய்திக் குறிப்பில் இத்தகவல்கள் தெரிவிக்கப்பட்டுள்ளன.