சரிகிறது தங்கம் விலை

சென்னை:

கடந்த சில மாதங்களாக மளமளவென அதிகரித்துக் கொண்டிருந்த தங்கத்தின் விலை மெதுவாகக் குறையத்தொடங்கியுள்ளது. இன்று மட்டும் பவுனுக்கு ரூ.80 வரை தங்க விலை குறைந்துள்ளது.

அமெரிக்க டாலரின் வீழ்ச்சி, ஈராக் போர், தீபாவளி, கிருஸ்துமஸ் மற்றும் புத்தாண்டு என்று பல காரணங்களால்தங்கத்தின் விலை கிடுகிடுவென்று ஏறத் தொடங்கியது.

கடந்த ஜனவரி மாத இறுதி மற்றும் பிப்ரவரி மாதத் துவக்கத்தில் வரலாறு காணாத அளவுக்கு தங்கத்தின் விலைஅதிகரித்தது. கிராமுக்கு ரூ.611 வரை தங்க விலை ஏறியது.

இந்நிலையில் கடந்த ஒரு வாரமாக தங்கத்தின் விலை படிப்படியாகக் குறையத் தொடங்கியுள்ளது.

நேற்று ஒரு பவுன் தங்கம் ரூ.4,312க்கு விற்கப்பட்டது. இன்றைய மார்க்கெட்டின் போது இந்த விலை ரூ.80 வரைகுறைந்து இறுதியில் பவுன் தங்கத்தின் விலை ரூ.4,232 ஆனது.

அடுத்த சில நாட்களில் தங்கத்தின் விலை மேலும் சரியத் தொடங்கும் என்று எதிர்பார்க்கப்படுகிறது.

-->