சென்னை மருத்துவமனையில் நடிகர் ராஜ்குமார் அனுமதி: நாளை இடுப்பு எலும்பில் அறுவை சிகிச்சை

சென்னை:

கன்னட நடிகர் ராஜ்குமாருக்கு நாளை இடுப்பு எலும்பு மாற்று (total hip replacement) அறுவை சிகிச்சை நடக்கிறது. சென்னையில் உள்ளமியாட் (MIOT) மருத்துவமனையில் இந்த அறுவை சிகிச்சை நடக்க உள்ளது.

இந்த மருத்துவமனையின் நிர்வாக இயக்குனர் பேராசிரியர் பி.வி.ஏ. மோகன்தாஸ் கூறுகையில்,

ராஜ்குமாருக்கு இடது இடுப்பு எலும்பிலும், வலது கால் மூட்டிலும் பிரச்சனைகள் இருந்தன. இடதுபுற இடுப்பு எலும்பில் தேய்வுஏற்பட்டுள்ளது. இதனால், இடுப்பு மற்றும் கால் வலியால் மிகவும் அவதிப்பட்டு வந்தார். அந் நிலையில் தான் வீரப்பனால் கடத்திச்செல்லப்பட்டார்.

74 வயதான அவர் சுமார் மூன்று மாதங்கள் காட்டிலும், மலைகளிலும் ஏறி இறங்கியதால் அவரது உடல் உபாதை அதிகரித்தது. கடும்வலியால் அவர் துடித்து வந்தார். கடந்த சில நாட்களாக நடக்க இயலாத அளவுக்கு வலியால் மிகவும் அவதிப்பட்டு வருகிறார்.இதையடுத்து இன்று அவர் பெங்களூரில் இருந்து சென்னை வந்தார்.

காலையில் எங்கள் மருத்துவமனையில் அனுமதிக்கப்பட்டார். நாளை அவருக்கு அறுவை சிகிச்சை நடக்கிறது என்றார்.

-->