பாக்தாத் விமான நிலையத்தில் தரை இறங்கிய அமெரிக்க போர் விமானம்

பாக்தாத்:

அமெரிக்க போர் விமானம் ஒன்று பாக்தாத் விமான நிலையத்தில் தரை இறங்கியுள்ளது.

சி-130 ரகத்தைச் சேர்ந்த இந்த சரக்கு விமானம் நேற்று பாக்தாத் விமான நிலையத்தில் தரைஇறங்கியதாக அமெரிக்க ராணுவ செய்தித் தொடர்பாளர் தெரிவித்தார். ஆனால் இது தொடர்பாகவேறு எந்த விவரத்தையும் அவர் தெரிவிக்கவில்லை.

போர் தொடங்கியதிலிருந்து பாக்தாத் விமான நிலையத்தில் தரையிறங்கிய முதல் விமானம் இதுதான்என்பது குறிப்பிடத்தக்கது.

கடந்த வாரம் பாக்தாத் விமான நிலையத்தை சுற்றி வளைத்த அமெரிக்கப் படையினர் அதைத் தங்கள்கட்டுப்பாட்டுக்குள் கொண்டுவர முயற்சித்தனர். ஆனால் ஈராக் படையினர் அவர்களை விரட்டிஅடித்தனர்.

இதற்கிடையே அமெரிக்கப் படையினர் பாக்தாத் நகரை முழுவதுமாக சுற்றி வளைத்து தாக்குதல்நடத்தத் தொடங்கியுள்ளனர். ஈராக் படையினரும் அவர்களை எதிர்த்து கடுமையாகத் தாக்கிவருகின்றனர்.

ஈராக் செய்தி அமைச்சகக் கட்டடம் உள்பட பாக்தாத்தில் உள்ள முக்கியமான இடங்களைஅமெரிக்கப் படையினர் கைப்பற்றியுள்ளதாக அமெரிக்க ராணும் தெரிவித்துள்ளது.