அமெரிக்கா வசம் வந்த பாக்தாத் ராணுவ முகாம்

பாக்தாத்:

பாக்தாத் நகரின் மேலும் சில பகுதிகள் தங்கள் கட்டுப்பாட்டில் வந்துள்ளதாக அமெரிக்கா கூறியுள்ளது.

பாக்தாதில் அமெரிக்கப் படைகளுக்கும் ஈராக்கியப் படைகளுக்கும் இடையே தொடர்ந்து சண்டை நடந்து வருகிறது. நகர் முழுவதும் குண்டுவெடிப்புச் சத்தமும், துப்பாக்கிச் சத்தமும் கேட்டவண்ணம் உள்ளது.

நேற்றிரவும் கடும் சண்டை நடந்தது. இந் நிலையில் பாக்தாதில் உள்ள அல்-ரஷீத் விமான தளத்தின் அருகே உள்ள ராணுவ முகாமும் தங்கள்கட்டுப்பாட்டில் வந்துவிட்டதாக அமெரிக்கா கூறியுள்ளது. அமெரிக்க டாங்குகளும் பீரங்கிகளும் பாக்தாதை சுற்றி வளைத்துள்ளன.

நேற்றிரவு ஆயிரக்கணககான அமெரிக்கப் படைகள் ஹெலிகாப்டர்கள் மூலம் பாக்தாதுக்குள் தரையிறக்கப்பட்டன. மேலும் பல ஈராக்கியப்படைப் பிரிவுகள் தங்களிடம் சரணடைந்துவிட்டதாகவும் அமெரிக்கா கூறியுள்ளது.

ஆனால், அமெரிக்கப் படைகளை தங்களது படைகள் சுற்றி வளைத்துத் தாக்கி வருவதாக ஈராக்கிய தகவலதுறை அமைச்சர் சைத் அல் சகாப்கூறியுள்ளார்.

அதே போல வடக்கு ஈராக்கில் கனரக டாங்குகளையும் கவச வாகனங்களையும் அமெரிக்கப் படைகள் ஹெலிகாப்டர்களில் தரையிறக்கஆரம்பித்துள்ளன.

-->