அரசு டாக்டர்கள் தனி கிளினிக் வைக்க தடை வருமா?

சேலம்:

அரசு மருத்துவமனைகளில் பணியாற்றும் டாக்டர்கள் தனியாக கிளினிக் வைக்க தடை விதிப்பது குறித்து பரிசீலிக்கப்படும் என்றுமருத்துவக் கல்வி இயக்குநர் டாக்டர் ரவீந்திரநாத் தெரிவித்தார்.

சேலம் அரசு மருத்துவக் கல்லூரியை சுற்றிப் பார்த்து ஆய்வு செய்த அவர் பின்னர் செய்தியாளர்களிடம் பேசுகையில், அரசு டாக்டர்கள்,தனியாக கிளினிக் வைக்க தடை விதிக்க வேண்டும் என்ற கோரிக்கை நீண்ட காலமாக இருந்து வருகிறது.

இதுகுறித்து பரிசீலிக்கப்படும்.

அரசு மருத்துவமனைகளின் மேம்பாட்டைக் கருத்தில்கொண்டு முழு ஈடுபாட்டுடன் அரசு டாக்டர்கள் பணியாற்ற வேண்டும்.இதற்காக சில கட்டுப்பாடுகளை கொண்டு வருவது குறித்து அரசு பரிசீலித்து வருகிறது என்றார் அவர்.