சண்டியருக்கு பாதுகாப்பு தர பார்வர்ட் பிளாக் கோரிக்கை

கோவை:

சண்டியர் படப் பிடிப்புக்கு தமிழக காவல்துறை பாதுகாப்பு கொடுக்க வேண்டும் என்று அகில இந்திய பார்வர்ட்பிளாக் கட்சியின் கோவை மாவட்ட தலைவர் ஆனந்தன் கோரிக்கை விடுத்துள்ளார்.

பார்வர்ட் பிளாக் கட்சி அதிமுக கூட்டணியில் தான் உள்ளது என்பது குறிப்பிடத்தக்கது.

ஆனந்தன், விடுத்துள்ள அறிக்கையில், திரைப்படத் தயாரிப்பு என்பது ஆயிரக்கணக்கானோர் சம்பந்தப்பட்டுள்ளமிகப் பெரிய தொழில். வெளிப்புறப் படப்பிடிப்புகளுக்கு பாதுகாப்பில்லை என்ற நிலை ஏற்பட்டால், திரைப்படத்தொழிலே பாதிக்கப்படும்.

டாக்டர் கிருஷ்ணசாமி போன்றவர்களின் செயல்களால் ஜாதிகளிடையே கலவரம் தான் ஏற்படும். இவரைப் போன்றசக்திகளை வளர விடக் கூடாது.

சண்டியர் படத்திற்கு தமிழக காவல்துறை உரிய பாதுகாப்பு அளிக்க வேண்டும் என்று கூறியுள்ளார்.