ஜனாவின் மகள் திருமணம்: அத்வானி சென்னை வருகை- ஜெ. சந்திப்பார்
சென்னை:
முன்னாள் மத்திய அமைச்சரும், மூத்த பா.ஜ.க. தலைவருமான ஜனா. கிருஷ்ணமூர்த்தியின் மகள் திருமணத்தில்கலந்து கொள்ள வரும் 30ம் தேதி குடியரசுத் துணைத் தலைவர் பைரான்சிங் ஷெகாவத், துணை பிரதமர் அத்வானிஆகியோர் சென்னை வருகின்றனர்.
31ம் தேதி இந்த திருமணம் நடக்கிறது. 30ம் தேதி வரவேற்பு நிகழ்ச்சி நடைபெறுகிறது. இதில் பங்கேற்க வரும்அத்வானியை முதல்வர் ஜெயலலிதா சந்திப்பார் என்று தெரிகிறது.
இந்த நிகழ்ச்சியில் தமிழக ஆளுநர் ராம் மோகன் ராவ், தவிர கேரளா, சிக்கிம், கர்நாடகம், அந்தமான் நிக்கோபார்,புதுச்சேரி உள்பட 7 மாநிலங்களின் ஆளுனர்களும் பங்கேற்க உள்ளனர்.
பா.ஜ.க. தலைவராக இருந்தபோது தனது மகனின் திருமணம் நடத்திய ஜனா. கிருஷ்ணமூர்த்தி, கூட்டணிக்கட்சியான திமுகவின் தலைவர் கருணாநிதியை அழைக்கவில்லை என்பது குறிப்பிடத்தக்கது.
இந்த நிகழ்ச்சிக்கு அழைப்பு விடுக்கப்பட்டுள்ளதா என்று தெரியவில்லை.