லாரியை திருடி, படு வேகமாய் ஓட்டி கவிழ்த்த டிரைவர் கைது

தர்மபுரி:

தர்மபுரி அருகே லாரியைத் திருடிய நபர் அதை படு வேகத்தில் ஓட்டிச் சென்றார். தாறுமாறாக ஓட்டியதால் நிலைதடுமாறிய அந்த லாரி கவிழ்ந்தது. இதையடுத்து அதைத் திருடி, ஓட்டிய டிரைவர் கைது செய்யப்பட்டார்.

தர்மபுரி மாவட்டம் தொப்பூர் காட் செங்கனபுரம் என்ற இடத்தில் நேற்றிரவு படுவேகத்தில் வந்த லாரி கவிழ்ந்தது.அந்த நெடுஞ்சாலையில் கண்காணிப்புப் பணியில் ஈடுபட்டிருந்த போலீசார் உடனடியாக அங்கு விரைந்து லாரிடிரைவரைக் காப்பாற்றினர். அவருக்கு முதலுதவி அளித்தனர்.

அவரிடம் விசாரணை நடத்தியபோது லாரியை அவர் திருடிக் கொண்டு வந்தது தெரியவந்தது. இதையடுத்துஅவரைக் கைது செய்ய மாவட்ட எஸ்.பி. பெரியய்யா உத்தரவிட்டார்.

லாரியின் உரிமையாளரை போலீசார் தொடர்பு கொண்டுள்ளனர்.