மேட்டூர் அணை மின் நிலையத்தில் தீவிபத்து

சேலம்:

மேட்டூர் அணையில் உள்ள மின் நிலையத்தில் திடீர் தீவிபத்து ஏற்பட்டது. இதில் ரூ. 20 லட்சம் மதிப்புள்ள கருவிகள்சேதமடைந்தன.

சனிக்கிழமை மாலை சுமார் 6.30 மணியளவில் மேட்டூர் அணையில் உள்ள மின் நிலையத்தின் ஒரு பகுதியில்தீவிபத்து ஏற்பட்டது. இதையடுத்து தீயணைப்பு படைக்கு தகவல் தெரிவிக்கப்பட்டது. இரண்டு தீயணைப்புவண்டிகள் விரைந்து வந்து தீயை அணைத்தன.

இந்த விபத்தில் ரூ. 20 லட்சம் மதிப்புள்ள கருவிகள் சேதமடைந்துள்ளதாக தெரிவிக்கப்பட்டுள்ளது. வேறு பெரியஆபத்து ஏதும் ஏற்படவில்லை.

சுமார் 60 ஆண்டுகளுக்கு முன்பு வெள்ளையர் ஆட்சியில் கட்டப்பட்டது இந்த மின் நிலையம்.இங்குரஷியாவிலிருந்து வாங்கப்பட்ட டர்பைன்கள் மூலம், மின்சாரம் உற்பத்தி செய்யப்படுகிறது. மொத்தம், 40மெகாவாட் மின்சாரம் இங்கு உற்பத்தியாகிறது.