வாக்காளர் பட்டியல் திருத்தம்: 2 நாள் சிறப்பு முகாமுக்கு ஏற்பாடு

சென்னை:

தமிழகத்தில் வாக்காளர் பட்டியலைத் திருத்தும் பணியையொட்டி நேற்றும், இன்றும் சிறப்பு முகாமுக்குத் தேர்தல்ஆணையம் ஏற்பாடு செய்துள்ளது.

தமிழகத்தில் வாக்காளர் பட்டியல் திருத்தப்படுகிறது. பெயர்களைச் சேர்க்கவும், நீக்கவும், முகவரியை மாற்றிக்கொள்ளவும் நாளையுடன் காலக் கெடு முடிவடைகிறது.

இந் நிலையில் வாக்காளர்களின் வசதிக்காக சிறப்பு முகாமுக்கு ஏற்பாடு செய்யப்பட்டுள்ளது. சம்பந்தப்பட்ட வாக்குச்சாவடிகள், மண்டல அலுவலகங்கள், வருவாய் வட்ட அலுவலகங்களில் வாக்காளர்கள் தங்களது பெயர்களைச்சேர்த்துக் கொள்ளவும், நீக்கிக் கொள்ளவும், முகவரியை மாற்றிக் கொள்ளவும் வசதி செய்யப்பட்டுள்ளது.