ஹஜ் சலுகை: சவுதிக்கு ஐ.எஸ்.டி. கட்டணம் குறைப்பு

டெல்லி:

ஹஜ் கால சிறப்புச் சலுகையாக சவுதிக்குப் பேச ஐ.எஸ்.டி. கட்டணத்தில் 25 சதவீதத்தைக் குறைத்து பி.எஸ்.என்.எல்நிறுவனம் அறிவிப்பு வெளியிட்டுள்ளது.

இதன்படி தற்போது பகல் நேரங்களில் நிமிடத்திற்கு ரூ.24 ஆக இருக்கும் தொலைபேசிக் கட்டணம், ரூ.18 ஆகஇருக்கும். இந்தக் கட்டண சலுகை பிப்ரவரி 5 முதல் மார்ச் 10ம் தேதி வரை அமலில் இருக்கும்.

இது மட்டுமன்றி, ஹஜ் விமானங்கள் புறப்படும் சென்னை, பெங்களூர், கோல்கத்தா, அகமதாபாத் உள்ளிட்டவிமான நிலையங்களில் இலவச தொலைபேசி வசதி அமைக்க பாரத் சஞ்சார் நிகாம் லிமிடெட் முடிவெடுத்துள்ளது.

இந்தத் தொலைபேசிகள் மூலம் அந்தந்த மாநில எல்லைக்குள் ஹஜ் பயணிகள் இலவசமாகப் பேசிக் கொள்ளலாம்.