மினி பட்ஜெட் வெறும் கண் துடைப்பு: ஜி.கே.வாசன்

சென்னை:

மத்திய அரசு அறிவித்துள்ள பல்வேறு சலுகைகள் அடங்கிய மினி பட்ஜெட் ஓட்டுக்களைக் குறி வைத்துஅறிவிக்கப்பட்டுள்ளது. இது வெறும் கண் துடைப்பு என்று தமிழக காங்கிரஸ் தலைவர் ஜி.கே.வாசன் கூறியுள்ளார்.

இது குறித்து சென்னை சத்தியமூர்த்தி பவனில் செய்தியாளர்களிடம் அவர் பேசுகையில், நாடாளுமன்றத் தேர்தலைமனதில் வைத்தே இந்த வரிச் சலுகைகளை அறிவித்துள்ளது மத்திய அரசு.

ஆனால் பாரதீய ஜனதாக் கட்சியின் நோக்கத்தை மக்கள் நன்கு அறிவார்கள். சாதாரண ஏழைக் குடிமகனின்அடிப்படைத் தேவைகளை கூட பூர்த்தி செய்ய நடவடிக்கை எடுக்காத பா.ஜ.க.வின் உள்நோக்கம் பலிக்காது.

வெளி மாநிலங்களில் சொத்துக்கள் வாங்கக் கூடாது என்று அரசு ஊழியர்களுக்குத் தமிழக அரசு தடைவிதித்திருப்பது கேலிக்கூத்தாக உள்ளது என்று கூறினார் வாசன்.