வைகோவுக்கு ரஜினி வாழ்த்து !!

சென்னை:

பொடா சட்டத்தில் கைதாகி ஜாமீனில் விடுதலையாகி வெளியே வந்துள்ள மதிமுக பொதுச் செயலாளர்வைகோவுக்கு நடிகர் ரஜினிகாந்த் தொலைபேசியில் வாழ்த்துத் தெரிவித்தார்.

மதிமுக வெளியிட்ட செய்திக் குறிப்பில் இத் தகவல் தெரிவிக்கப்பட்டுள்ளது. வைகோவின் வீட்டிற்கு ரஜினிகாந்த்இன்று காலை தொலைபேசி மூலம் தொடர்பு கொண்டு வைகோவிடம் பேசினார்.

ஜாமீனில் விடுதலையாகியுள்ளதற்கு அவர் வாழ்த்துத் தெரிவித்தார்.

அப்போது உங்களது ரசிகர்கள் நீண்ட காலமாக உங்களது திரைப்படத்தை எதிர்பார்த்துக் காத்துள்ளார்கள்.அவர்களை எப்போது மகிழ்விக்கப் போகிறீர்கள் என்று ரஜினியிடம் வைகோ கேட்டார்.

விரைவில் மிகச் சிறந்த ஒரு படத்தைத் தரப் போவதாக வைகோவிடம் ரஜினி தெரிவித்தார்.