வீரப்பன் வேட்டைக்கான செலவு ரூ. 7.50 கோடி!

சென்னை:

சந்தனக் கடத்தல் வீரப்பன் வேட்டைக்காக 2004-04ம் ஆண்டு தமிழக அரசு ரூ. 7.50 கோடி பணத்தை செலவுசெய்துள்ளதாக சட்டசபையில் தெரிவிக்கப்பட்டது.

வீரப்பனைப் பிடிக்க நியமிக்கப்பட்டுள்ள சிறப்பு அதிரடிப்படைக்கு கடந்த 2004-04ம் ஆண்டு பட்ஜெட்டில் ரூ.5.66 கோடி பணம் ஒதுக்கப்பட்டது. ஆனால் திருத்த மதிப்பீட்டில் இது ரூ. 7.5 கோடியாக உயர்ந்தது.

வீரப்பன் குறித்த தகவல்களை சேகரிப்பது, உளவாளிகளுக்கு பணம் கொடுப்பது போன்ற ரகசிய சேவை செலவு ரூ.42 லட்சமாக இருந்தது.

2004-05ம் ஆண்டு பட்ஜெட்டில் வீரப்பன் வேட்டைக்காக ரூ. 7.50 கோடி ஒதுக்கீடு செய்யப்பட்டுள்ளது. ரகசியசேவை செலவாக ரூ. 23.50 லட்சம் ஒதுக்கப்பட்டுள்ளது.