அதிமுகவில் நடிகர் கார்த்திக்: தேர்தலில் போட்டி?

சென்னை:

பிரபல விக் நடிகர் கார்த்திக் இன்று அதிமுகவில் சேர்ந்தார். இதையடுத்து அவர் வரும் மக்களவைத் தேர்தலில்போட்டியிடுவார் என்று தெரிகிறது.

தேவர் சமூகத்தைச் சேர்ந்தவரான கார்த்திக் பிரபல நடிகர் முத்துராமனின் மகன். இவருக்கு மதுரை, ராமநாதபுரம்போன்ற பகுதிகளில் தேவர் சமூக இளைஞர்கள் ரசிகர் மன்றம் நடத்தி வருகின்றனர்.

சசிகலா குடும்பத்தினருடனும் கார்த்திக்கு இனரீதியில் நட்புறவு இருந்து வருகிறது. அவரை கட்சியில் சேர்க்க சிலமாதங்களாகவே பேச்சுவார்த்தை நடந்து வந்தது. இந் நிலையில் எம்.எல்.ஏவும் நடிகருமான ராதாரவியுடன் அவர்இன்று காலை அதிமுக தலைமையகம் வந்தார்.

அதிமுகவில் இணைய விரும்புவதாக அதிமுக அமைப்புச் செயலாளர் செங்கோட்டையனிடம் கடிதம் தந்தார். இதைஏற்று உடனடியாக அவர் அதிமுகவில் சேர்க்கப்பட்டார்.

தேர்தல் பிரச்சாரத்திற்கு அவரைப் பயன்படுத்திக் கொள்ள அதிமுக திட்டமிட்டுள்ளது. அதே நேரத்தில் சசிகலாதரப்பினருடன் அவருக்கு செல்வாக்கு உண்டு என்பதால் தேர்தலில் போட்டியிட வாய்ப்புத் தரப்படலாம் என்றுதெரிகிறது.

அவரை வரும் தேர்தலில் தென் சென்னையில் திமுகவின் டி.ஆர்.பாலுவுக்கு எதிராக அதிமுக களமிறக்கி விடும்என்று எதிர்பார்க்கப்படுகிறது.

கடந்த சில காலமாகவே போதைக்கு அடிமையாகிவிட்ட கார்த்திக் இதனால் படப் பிடிப்புகளுக்கு சரியாக வராமல்இருந்து ஒட்டுமொத்தமாக மார்க்கெட் இழந்தார் என்பது குறிப்பிடத்தக்கது. ஆனால், அதிலிருந்து மீண்டுவிட்டதாகசமீபத்தில் அவர் பேட்டி கொடுத்திருந்தார்.