மங்களூர் திமுக வேட்பாளர் யார்? நாளை ஆலோசனை

சென்னை:

மங்களூர் (தனி) சட்டசபைத் தொகுதியில் திமுக சார்பில் போட்டியிடும் வேட்பாளரைத் தேர்ந்தெடுக்க நாளைஆலோசனை நடக்கிறது.

திருமாவளவன் ராஜினாமாவையடுத்து மங்களூர் (தனி) தொகுதியில் இடைத் தேர்தல் நடைபெறவுள்ளது. இதில்திமுக போட்டியிடும் என்று அக்கட்சி அறிவித்துள்ளது. அதற்கு கூட்டணிக் கட்சிகள் ஆதரவு தெரிவித்துள்ளன.அதிமுகவும் இங்கு போட்டியிடுகிறது. இதன் வேட்பாளராக ராமலிங்கம் ஏற்கனவே அறிவிக்கப்பட்டுள்ளார்.

இந் நிலையில் திமுக வேட்பாளரைத் தேர்ந்தெடுப்பதற்காக கடலூர் மாவட்ட செயலாளர், பிற நிர்வாகிகள்,செயற்குழு, பொதுக்குழு உறுப்பினர்கள், மங்களூர் தொகுதி ஒன்றிய செயலாளர்கள் ஆகியோரின் கூட்டத்தைதிமுக மேலிடம் கூட்டியுள்ளது.

நாளை காலை 10 மணிக்கு அண்ணா அறிவாலய வளாகத்தில் உள்ள முரசொலி மாறன் அரங்கத்தில் இந்தஆலோசனைக் கூட்டம் திமுக தலைவர் கருணாநிதி, பொதுச் செயலாளர் அன்பழகன் ஆகியோரது முன்னிலையில்நடைபெறும் என்று அன்பழகன் தெரிவித்துள்ளார்.