அதிமுக-ரஜினி ரசிகர்கள் இடையே பிரச்சனையில்லை: பாஜக

சென்னை:

அதிமுகவுக்கும், ரஜினி ரசிகர்களுக்கும் எந்த வித பிரச்சனையும் இல்லை என்று தமிழக பாஜக செயலாளர் எச்.ராஜா கூறினார்.

செய்தியாளர்களிடம் அவர் கூறியதாவது:

ரஜினி பாஜகவுக்கு ஆதரவு அளித்ததால் திமுக கூட்டணியினர் நிலை குலைந்து போயுள்ளனர். ரஜினி ரசிகர்களுக்கும் அதிமுகவினருக்கும் எந்த வித பிரச்சனையும் இல்லை. நான் எனது சொந்த தொகுதிக்கு பிரசாரம் செய்ய போனபோது இரு தரப்பினரும் சேர்ந்துதான் எனக்கு வரவேற்பு கொடுத்தனர்.

பாஜக என்ற நொண்டிக் குதிரையுடன் அதிமுக கூட்டணி வைத்துள்ளதாக காங்கிரஸ் ஜனநாயக பேரவைத் தலைவர் ப.சிதம்பரம் கூறியுள்ளார். ஆனால் கால்களே இல்லாத காங்கிரஸ் ஜனநாயகப் பேரவை காங்கிரசுடன் சேர்ந்து போட்டியிடுகிறது.

தமிழ்நாட்டில் முதல்வர் ஜெயலலிதாவுக்கு எதிரான எதிர்ப்பு அலை இருக்கிறதா என்பது எனக்குத் தெரியாது. ஆனால் நடப்பது பிரதமரைத் தேர்ந்தெடுப்பதற்கான தேர்தலாகும் என்றார்.