கரூர் திமுக வேட்பாளரின் சொத்து மதிப்பு ரூ. 51.47 கோடி

கரூர்:

கரூர் மக்களைவைத் தொகுதியில் போட்டியிடும் திமுக வேட்பாளர் கே.சி. பழனிச்சாமி தனக்கு ரூ. 52 கோடிசொத்து இருப்பதாக வேட்பு மனுவில் தெரிவித்துள்ளார்.

அவர் தந்துள்ள சொத்து விவரம்:

வங்கிகள், நிதி நிறுவனங்களில் ரூ. 13.5 கோடி வைத்துள்ளேன். கையில் ரொக்கமாக ரூ. 24 லட்சம்வைத்திருக்கிறேன். பங்குகளில் ரூ. 34 கோடி முதலீடு செய்துள்ளேன்.

ரூ. 1.5 கோடி மதிப்புள்ள விவசாய நிலங்கள், தரிசு நிலங்கள் உள்ளன.

ரூ. 14.5 கோடி அளவுக்கு ஷாப்பிங் காம்ப்ளெக்ஸ்கள், வீடுகள், கட்டடங்கள் எனக்கு சொந்தமாக உள்ளன.

மனைவியின் பெயரில் ரூ. 10 லட்சம் வங்கிகளில் உள்ளது. மனைவிடம் ரூ. 60,000 கையிருப்பும் உள்ளது. கடன்பத்திரங்களில் மனைவி பெயரில் ரூ. 43 லட்சம் முதலீடு செய்யப்பட்டுள்ளது. மனைவிக்கு ரூ. 49 லட்சம் அளவுக்குவணிகக் கட்டங்கள் உள்ளன.

மனைவிடம் ரூ. 24 லட்சம் மதிப்புக்கு நகைகள் உள்ளன.

என்னிடம் ரூ. 50 லட்சம் மதிப்பில் கார்கள், வாகனங்கள் இருக்கின்றன. மொத்தத்தில் என்னிடம் ரூ. 51.47 கோடிசொத்துக்கள் உள்ளன என பிரமாணப் பத்திரத்தில் கே.சி.பழனிச்சாமி குறிப்பிட்டுள்ளார்.