மிஸ் கூவாகம்- 2004: மும்பை பாபி டார்லிங் தேர்வு

விழுப்புரம்:

மிஸ் கூவாகம் 2004 பட்டம் பெற்ற பாபி ராணி மற்றும் இரண்டாம் இடம் பெற்ற ரக்ஷா (இடது)

விழுப்புரம் மாவட்டம் கூவாகம் கிராமத்தில் நடந்த மிஸ் கூவாகம் போட்டியில் மும்பையைச் சேர்ந்தஅரவாணியான பாபி டார்லிங் மிஸ் கூவாகம்-2004 ஆக தேர்வு செய்யப்பட்டார். முதல் மூன்று இடங்களையும்மும்பையைச் சேர்ந்த "அழகிகளே" பெற்றனர். கூவாகம் கிராமத்தில் உள்ள கூத்தாண்டவர் கோவிலில் ஆண்டுதோறும் சித்திரை மாதத்தில் அரவாணிகள் கூடிவழிபடுவார்கள். சித்திரை பெளர்ணமியன்று அரவாணிகளுக்கு கோவில் பூசாரி தாலி கட்டுவார்.

அதற்கு அடுத்தநாள் அரவாண் களப்பலி கொடுக்கும் நிகழ்ச்சி நடக்கும். அந்த நிகழ்ச்சிக்குப் பிறகு அரவாணிகள் தங்களதுதாலிகளை அறுத்து எறிவார்கள்.

இந்த ஆண்டும் சித்திரைத் திருவிழா வழக்கமான உற்சாகத்துடன் கூவாகத்தில் நடந்து வருகிறது. விழாவையொட்டிநாட்டின் பல்வேறு பகுதிகளைச் சேர்ந்த அரவாணிகளும் கூவாகத்தில் குழுமியுள்ளனர். பாட்டு, நடனம் என கலக்கிவருகிறார்கள்.

இந் நிலையில் நேற்று மிஸ் கூவாகம் அழகிப் போட்டி நடந்தது. இதில் பல்வேறு அரவாணிகள் கலந்துகொண்டனர். இதில் கலந்து கொண்ட அரவாணிகள் அட்டகாசமான உடைகள், மேக்கப்புடன் கலந்து கொண்டுபார்வையாளர்களை அசத்தினர். அச்சு அசல் பெண்கள் போலவே சிலர் காணப்பட்டதால் உண்மையானபெண்களா என்ற சந்தேகம் கூட சிலருக்கு எழுந்தது.

இறுதியில் மும்பையைச் சேர்ந்த பாபி ராணி என்ற பாபி டார்லிங் மிஸ் கூவாகமாகத் தேர்வு செய்யப்பட்டார்.

மிஸ் கூவாகம் போட்டியில் பங்கேற்ற அரவாணிகளில் ஒரு பகுதியினர்

அவருக்கு கிரீடம், பரிசுகள் வழங்கப்பட்டன. அடுத்த இரண்டு இடங்களையும் மும்பையைச் சேர்ந்தஅரவாணிகளான ரக்ஷாவும் லட்சுமியும் பிடித்தனர். அடுத்த மூன்று இடங்களை திருச்சி ரஜியா, சென்னை லைலா, பெங்களூர் காஞ்சனா ஆகியோர் பிடித்தனர். முதலிடம் பிடித்த பாபி டார்லிங் கூறுகையில், அடுத்த ஜென்மத்திலும் அரவாணியாகவே பிறக்க ஆசைப்படுகிறேன்என்றார்.

அரவாணிகள் இன்று கூத்தாண்டவர் கோவிலில் நடக்கும் நிகழ்ச்சியில் தாலி கட்டிக் கொள்கிறார்கள்.