பிரசார களத்தில் குதிக்கும் ல.தி.மு.க.

சென்னை:

திமுக வேட்பாளர்களை எதிர்த்து டி.ராஜேந்தரின் லட்சிய திமுக பிரசாரக் களத்தில் குதிக்கிறது. திமுகவேட்பாளர்களுக்கு எதிராக சூறாவளி பிரசாரத்தில் டி.ராஜேந்தர் ஈடுபடவுள்ளார்.

திமுகவில் ஒதுக்கப்பட்ட டி.ராஜேந்தர் பொறுத்துப் பொறுத்துப் பார்த்து பொங்கி எழுந்தார். அனைத்திந்திய லட்சியதிமுக என்ற பெயரில் புதிய கட்சியை உருவாக்கியுள்ளார். நாடாளுமன்றத் தேர்தலில் அதிமுக-பா.ஜ.க.கூட்டணிக்கு ஆதரவு தெரிவிப்பதாகவும் ராஜேந்தர் அறிவித்துள்ளார்.

இதைத் தொடர்ந்து இன்று முதல் அவர் தீவிரப் பிரசாரத்தில் ஈடுபடுகிறார். திமுக கூட்டணி வேட்பாளர்கள்போட்டியிடும் தொகுதிகளில் அவர் தீவிரப் பிரசாரம் செய்யவுள்ளார்.

காஞ்சிபுரத்தில் இன்று மாலை 6 மணியளவில் நடைபெறும் பொதுக் கூட்டத்தில் அவர் பேசவுள்ளார். அப்போதுதிமுகவிலிருந்து விலகியதற்கான காரணத்தை மக்களிடம் விளக்கப் போகிறார்.