வீரப்பன் காட்டில் வாக்கு சாவடிகளுக்கு அதிரடிப்படை பாதுகாப்பு

சேலம்:

வீரப்பன் நடமாட்டம் உள்ள காட்டுப் பகுதிகளில் அமைக்கப்பட்டுள்ள வாக்குச் சாவடிகளுக்கு அதிரடிப்படைபாதுகாப்பு கொடுக்கப்பட்டுள்ளது.

வீரப்பன் நடமாட்டம் அதிகம் உள்ள காட்டுப் பகுதி கிராமங்களில் நாடாளுமன்றத் தேர்தலுக்கான வாக்குச்சாவடிகள் அமைக்கப்பட்டுள்ளன. இங்கு சிறப்பு அதிரடிப்படை பாதுகாப்பு கொடுக்கப்பட்டுள்ளது.

கோவிந்தப்பாடி, கோட்டையூர், கத்திரப்பட்டி ஆகிய கிராமங்களில் அமைக்கப்பட்டுள்ள 14 வாக்குச்சாவடிகளையும் அதிரடிப்படையினர் தங்களது பாதுகாப்பின் கீழ் கொண்டு வந்துள்ளனர்.

இந்தக் கிராமத்தில் இருப்பவர்கள் அனைவரும் வீரப்பனுக்கு நெருங்கியவர்கள், அவனுக்கு சொந்தக்காரர்கள்என்பது குறிப்பிடத்தக்கது. வாக்குப் பதிவு முடியும் வரை இந்த அதிரடிப்படை பாதுகாப்பு தொடரும்.