ஜெயலலிதா ராஜினாமா செய்வார்: இளங்கோவன்

ஈரோடு:

மக்களவைத் தேர்தல் முடிவுகளுக்குப் பின் முதல்வர் ஜெயலலிதா தனது பதவியை ராஜினாமா செய்வார் என காங்கிரஸ் முன்னாள் தலைவரும் அக் கட்சியின் ஈரோடு தொகுதி வேட்பாளருமான ஈ.வி.கே.எஸ். இளங்கோவன் கூறினார்.

அவர் கூறுகையில், ஆந்திராவில் காங்கிரஸ் பெற்ற வெற்றியைப் போல தமிழகத்தில் திமுக கூட்டணி மகத்தான வெற்றி பெறும்.

தென் மாநிலங்கள் முழுவதுமே காங்கிரஸ் தான் வெல்லும். மத்திய அரசுக்கும் முதல்வர் ஜெயலலிதா அரசுக்கும் எதிரான தீவிரமான அலை தமிழகத்தில் வீசிக் கொண்டுள்ளது.

இதனால் தமிழகத்தில் 39 இடங்களிலும் எங்கள் கூட்டணி வெல்லும் என்று நம்புகிறோம். தோல்விக்குப் பொறுப்பேற்று ஜெயலலிதா தனது பதவியை ராஜினாமா செய்வார் என்று நம்புகிறோம் என்றார்.