தமிழகத்தில் மீண்டும் கடும் வெயில்: சென்னையில் 100 டிகிரி

சென்னை:

கடந்த 10 தினங்களாக கோடை மழை பெய்து குளிர்ந்திருந்த தமிழகம் தற்போது மீண்டும் வெயிலின் பிடியில்சிக்கியுள்ளது. சென்னையில் நேற்று வெயில் அளவு 100 டிகிரியைத் தாண்டியது.

கடந்த 3ம் தேதி அக்னி நட்சத்திரம் தொடங்கியபோது, கோடை மழையும் தொடங்கியது. வங்கக் கடலில் உருவானகுறைந்த காற்றழுத்த தாழ்வு மண்டலம் காரணமாக தமிழ்நாடு முழுவதும் பரவலாக மழை பெய்தது.

மேக மூட்டம் காரணமாக வெயிலின் தாக்கம் குறைந்து கடந்த ஒரு வார காலமும் குளுமையான பருவநிலைநிலவியது.

இப்போது புயல் சின்னம் அரபிக் கடலுக்கு நகர்ந்து வலுவிழந்துவிட்டதால் மீண்டும் வெயில் கொளுத்தத்தொடங்கியுள்ளது. சென்னை மீனம்பாக்கத்தில் நேற்று 100.22 டிகிரி வெயில் பதிவானது.

அக்னி நட்சத்திர காலம் வரும் 28ம் தேதி முடிவடைகிறது. அதுவரை வெயில் கடுமையாக இருக்கும் என்றுதெரிகிறது.