அனல் காற்றில் தகிக்கும் சென்னை : 103 டிகிரி வெயில்

சென்னை:

கோடையின் உக்கிரம் சென்னையில் அதிகரித்துள்ளது. 103 டிகிரி வெயிலுடன் அனல் காற்றும் சேர்ந்து சென்னை மக்களை வாட்டிவருகிறது.

அரசியல் கட்சித் தலைவர்களின் இறுதிக் கட்டப் பிரசாரத்துக்கு ஏதுவாக இந்த மாத தொடக்கத்தில் இருந்து தொடர்ந்து 10 நாட்கள்கோடை மழை பெய்தது. இதனால் தமிழகம் முழுவதும் இதமான சீதோஷ்ண நிலை இருந்தது.

ஆனால் வாக்குப் பதிவின்போது வெயில் கொளுத்தத் தொடங்கியது. வாக்கு எண்ணிக்கையின் போது இது மேலும் அதிகரித்தது.சென்னையில் 103 டிகிரி வெயிலுடன் அனல் காற்றும் அடிக்கிறது.

அக்னி நட்சத்திரம் எப்போது முடியும் என்று சென்னை மக்களை ஏங்க வைத்துள்ளது இந்த வெயில். அக்னி நட்சத்திரம் முடியஇன்னும் 15 நாட்கள் இருப்பது குறிப்பிடத்தக்கது.