வாஜ்பாய்க்கு 13... மன்மோகனுக்கு 14...

டெல்லி:

பிரதமர் வாஜ்பாயைத் தொடர்ந்து வந்த13ம் எண் ராசி நேற்றுடன் முடிவுக்கு வந்தது. புதிய பிரதமராகபதவியேற்றுள்ள மன்மோகன் சிங்குக்கு 14ம் எண் ராசி தொற்றிக் கொண்டுள்ளது.

1996ம் ஆண்டு முதல் முறையாக வாஜ்பாய் பதவியேற்றபோது 13 நாட்களில் அவர் ஆட்சியை இழந்தார். மீண்டும்1998ம் ஆண்டு பதவிக்கு வந்தபோது, 13 மாதங்களில் அவரது ஆட்சி வீழ்ந்தது. அவர் பதவியிழந்தது மாதம் மே13ம் தேதி.

பின்னர் 1999ம் ஆண்டு அக்டோபர் 13ம் தேதி இந்தியாவின் 13வது பிரதமராக மீண்டும் பதவியேற்றார் வாஜ்பாய்.வாஜ்பாயின் பிரதமர் வாழ்க்கையில் 13ம் எண் மிக முக்கிய இடத்தை வகித்து வந்தது.

இந் நிலையில் புதிய பிரதமர் மன்மோகன் சிங்குக்கு 14ம் எண் ராசி ஏற்பட்டுள்ளது. 14வது மக்களவையில்,இந்தியாவின் 14வது பிரதமராக பதவியேற்றுள்ள மன் மோகன் சிங் அமைச்சரவையில் 14 கட்சிகளுக்குபிரதிநிதித்துவம் தரப்பட்டுள்ளது.

வாஜ்பாய்க்கு 13ம் எண் பல சோதனைகளையும், சாதனைகளையும் கொடுத்தது போல, மன்மோகனுக்கு 14ம் எண்அமையுமா என்பதை பொருத்திருந்துதான் பார்க்க வேண்டும்.