விசிடியில் அப்துல் கலாம் வாழ்க்கை வரலாறு

சென்னை:

குடியரசுத் தலைவர் அப்துல் கலாம் வாழ்க்கை வரலாற்றை சித்தரிக்கும் விசிடியை தபால் நிலையங்கள் மூலம் விற்பனை செய்ய தபால் துறை நடவடிக்கை எடுத்துள்ளது.

கோவையைச் சேர்ந்த மின்வேலி என்ற நிறுவனம் பட்டாம்பூச்சி என்ற பெயரில் விசிடி ஒன்றைத் தயாரித்துள்ளது. குடியரசுத் தலைவர் அப்துல் கலாமின் வாழ்க்கை வரலாற்றை இந்த நிறுவனம் விசிடி வடிவில் கொண்டு வந்துள்ளது.

இந்த விசிடியை தமிழகம் மற்றும் புதுவையில் உள்ள தபால் நிலையங்கள் மூலம் விற்பனை செய்ய தபால் துறை ஒப்பந்தம் செய்துள்ளது. தமிழில் தயாரிக்கப்பட்டுள்ள இந்த விசிடி ரூ. 150க்கு விற்பனை செய்யப்படுகிறது.