ஜூன் 15 வரை பெட்ரோல், காஸ் விலை உயராது: மணிசங்கர்

டெல்லி:

ஜூன் 15ம் தேதி வரை பெட்ரோல் மற்றும் சமையல் காஸ் விலைகள் உயர்த்தப்பட மாட்டாது என பெட்ரோலியத் துறை அமைச்சர் மணிசங்கர் ஐயர் கூறியுள்ளார்.

இது தொடர்பாக செய்தியாளர்களிடம் அவர் கூறியதாவது:

கச்சா எண்ணெய் விலைகளை நிலைப்படுத்த அரபு நாடுகள் முயற்சி செய்து வருகின்றன. கச்சா எண்ணெய் விலைகள் அடிக்கடி உயர்வதை சமாளிப்பது தொடர்பாக இடதுசாரி கட்சிகளுடன் ஆலோசித்து புதிய திட்டம் உருவாக்க நடவடிக்கைகள் மேற்கொள்ளப்படும்.

சர்வதேச சந்தையில் கச்சா எண்ணெய் விலை உயர்வு குறித்து மதிப்பிட ஜூன் 15 வரை அவகாசம் இருக்கிறது. அதுவரை பெட்ரோல், டீசல், சமையல் காஸ் விலை உயராது என்றார்.