யூரோ 2004: காலிறுதியில் பிரான்ஸ் தோல்வி

லிஸ்பன்:

போர்ச்சுகலில் நடைபெற்று வரும் யூரோ 2004 கால்பந்தாட்டப் போட்டியின் காலிறுதிப் போட்டியில் நடப்புசாம்பியன் பிரான்ஸை 1-0 என்ற கோல் கணக்கில் கிரீஸ் வென்றது.

ஆட்டத்தின் முதல் பாதியில் இரு அணிகளும் மிகவும் முயன்றும் கோல் போட முடியவில்லை. இரண்டாவதுபாதியில் ஆட்டத்தின் 65வது நிமிடத்தில் கிரீஸ் அணியின் ஏன்ஜெலஸ் சாரிஸ்டீஸ் ஒரு கோல் அடித்து தனதுஅணியை வெற்றிப் பாதைக்கு அழைத்துச் சென்றார்.

இதனையடுத்து பிரான்ஸ் வீரர்கள் கோல் போடுவதற்கு மிகவும் போராடினார்கள். ஆனால் கடைசி வரை, கிரீஸ்வீரர்களின் தடுப்பாட்டத்தைத் தாண்டி கோல் போட முடியவில்லை. இதன் மூலம் போட்டித் தொடரிலிருந்துவெளியேறிய, இங்கிலாந்து, ஜெர்மனி, இத்தாலி, ஸ்பெயின் ஆகிய ஜாம்பாவன்களின் வரிசையில் பிரான்சும்சேர்ந்தது.

அணியின் தோல்வி குறித்து பயிற்சியாளர் ஜாக் சான்டினி அதிர்ச்சி தெரிவித்துள்ளார்.

கிரீஸ் அணி அரையிறுதிக்குத் தகுதி பெறக் காரணமாக இருந்த கோலை அடித்த சாரிஸ்டீஸ் கூறுகையில், கிரீஸ்கால்பந்தாட்ட வரலாற்றில் இது பொன்னான தருணமாகும். உலகத்தின் எந்த மூலையில் இருந்தாலும், கிரேக்கர்கள்அனைவரும் கொண்டாட வேண்டிய வெற்றியாகும் இது என்றார்.