ஐ.நா. கவுன்சிலில் இந்தியா: சீனா ஆதரவு

பெய்ஜிங்:

ஐ.நா. பாதுகாப்பு சபையில் இந்தியா நிரந்தர உறுப்பினராக சீனா முழு ஆதரவு தெரிவித்துள்ளது.

ஐ.நா. பாதுகாப்பு சபையில் அமெரிக்கா, ரஷியா, சீனா, இங்கிலாந்து, பிரான்ஸ் ஆகிய 5 நாடுகள் நிரந்தரஉறுப்பினராக இருக்கின்றன. இதனை விரிவுபடுத்தி இந்தியா உட்பட மேலும் சில நாடுகளையும் நிரந்தரஉறுப்பினர்களாக சேர்க்க வேண்டும் என்று நீண்ட காலமாக இந்தியா போராடி வருகிறது.

இந்தியா உறுப்பு நாடாக ரஷியா முன்பிருந்தே ஆதரவு தெரிவித்து வருகிறது. கடந்த சில நாட்களுக்கு முன்புஇங்கிலாந்தும் இந்தியாவுக்குத் தனது ஆதரவைத் தெரிவித்தது. இந் நிலையில் இந்தியாவுக்கு நிரந்தர உறுப்பினர்பதவி கிடைக்க சீனா முதல் முறையாக தனது ஆதரவைத் தெரிவித்தது.

இது குறித்து சீன வெளியுறவுத் துறை மூத்த அமைச்சர் தாங் ஜியாசுன் கூறியதாவது:

உலக அளவிலும், பிராந்திய அளவிலும் இந்தியாவின் முக்கியவத்துவத்தை சீனா நன்றாக புரிந்துள்ளது. எனவேஐ.நா. பாதுகாப்பு சபையில் இந்தியாவின் பங்கு அவசியம் என்று கருதுகிறோம்.

சந்தர்ப்பம் கிடைத்தால் இந்தியாவுக்கு வருவேன். அதுபோல் இந்திய தலைவர்களும் சீனாவுக்கு வருவதைவரவேற்கிறேன் என்று கூறினார்.