ரஜினிகாந்த் மீது ராமதாஸ் மீண்டும் தாக்கு

வேலூர்:

பாமக- நடிகர் விஜயகாந்த் பிரச்சனையை திரையுலகப் பிரமுகர்களுடன் பேசித் தீர்க்கத் தயாராக இருப்பதாக பாமகநிறுவனர் டாக்டர் ராமதாஸ் இன்று கூறினார்.

முன்னாள் மத்திய அமைச்சர் சண்முகம் மகன் திருமணத்தில் கலந்து கொண்டு ராமதாஸ் பேசியதாவது:-

கல்வி இப்போது வியாபாரமாகிவிட்டது. தவறு செய்த அரசியல்வாதிகள், சாராயம் காய்ச்சி விற்ற வியாபாரிகள்இன்று பொறியியல் கல்லூரிகளை நடத்துகின்றனர்.

சாதாரண கண்டக்டராக இருந்தவர்கள் இன்று பல கோடிக்கு அதிபதி ஆகிவிட்டனர். கண்டக்டராக இருந்தவர்கள்பஸ் முதலாளி ஆனால் தப்பில்லை.சிலர் தேர்தல் நேரத்தில் என்னென்ன வேலைகள் செய்தார்கள் என்பது எனக்குதெரியும். 6 இடத்திலும் தோற்க வேண்டும் என்று பலர் வேண்டினர். அது பலிக்கவில்லை.

மக்களுக்காக பயன்படும் துறைகளை 2 அமைச்சர்களுக்கு பெற்றுக்கொடுத்தோம். அதைப்பார்த்து சிலருக்கு வயிறுஎரிகிறது. எங்கோ இருக்கும் எஸ்கிமோக்கள் இங்கு முதலமைச்சர் ஆனால் தப்பில்லை என்று சொல்பவர்கள்மண்ணின் மைந்தர்களாக இருப்பவர்கள் அமைச்சரானால் ஏற்றுக்கொள்வது இல்லை.

இப்போது நடிகர் விஜயகாந்தால் ஏற்பட்டுள்ள பிரச்சனையை திரையுலகப் பிரமுகர்களுடன் பேசித் தீர்க்கதயாராகவே இருக்கிறேன் என்று கூறினார்.