யூரோ 2004: அரையிறுதியில் செக். குடியரசு

லிஸ்பன்:

யூரோ 2004 கால்பந்தாட்டத்தின் காலிறுதிப் போட்டியில் 3-0 என்ற கோல் கணக்கில் செக் குடியரசு அணிடென்மார்க் அணியைத் தோற்கடித்து அரையிறுதிக்குத் தகுதி பெற்றது.

செக் குடியரசின் ஜான் கோலர் ஆட்டத்தின் இரண்டாவது பாதியில் 49 வது நிமிடத்தில் தலையால் கோல் அடித்துஅணியின் கோல் கணக்கைத் துவக்கி வைத்தார். அவரது சகவீரரனா மிலன் பரோஸ் மேலும் இரண்டு கோல்கள்அடித்து செக் குடியரசை அரையிறுதிக்கு அழைத்துச் சென்றார்.

செக் குடியரசின் தாக்குதல் ஆட்டத்துக்கு ஈடு கொடுக்க முடியாமல், டென்மார்க் அணி திணறியது. கடைசி வரை ஒருகோல் கூட அடிக்க முடியாமல் போட்டித் தொடரை விட்டு வெளியேறியது.

செக் குடியரசின் மிலன் பரோஸ் போட்டித் தொடரில் இதுவரை 5 கோல்கள் அடித்துள்ளார். அணியின் வெற்றிகுறித்து பரோஸ் கூறுகையில், ஆட்டம் தொடங்கும் முன்பு டென்மார்க்கை வீழ்த்துவது கடினமாக இருக்கும் என்றுகருதினோம். ஆனால் நாங்கள் வென்றது மகிழ்ச்சி அளிக்கிறது. அரையிறுதி எங்களுக்கு முக்கியமானஆட்டமாகும். அதற்கு எங்களை தயார்படுத்திக் கொள்ள வேண்டியிருக்கிறது என்றார்.

நாளை மறுநாள் முதல் அரையிறுதி ஆட்டத்தில் போர்ச்சுகல் மற்றும் ஹாலந்து அணிகள் மோதுகின்றன.இரண்டாவது அரையிறுதி அடுத்த மாதம் 1ம் தேதி நடைபெறுகிறது. இந்தப் போட்டியில் செக் குடியரசு மற்றும்கிரீஸ் அணிகள் மோதுகின்றன.

இறுதி ஆட்டம் ஜூலை 4ம் தேதி நடைபெறுகிறது.