மதுரை இளைய ஆதீனமாவதில் விருப்பமில்லை: குட்டி சாமியார்

சேலம்:

மதுரை ஆதீனத்தின் இளவரசுப் பட்டத்தில் எனக்கு விருப்பமில்லை என்று சேலம் குட்டி சாமியார் பரணீதரசுவாமிகள் கூறினார்.

இது தொடர்பாக அவர் செய்தியாளர்களிடம் கூறியதாவது:

மதுரை ஆதீனத்தின் இளைய ஆதீனம் நீக்கப்பட்டுள்ளது குறித்து கருத்து கூற விரும்பவில்லை.

மதுரை ஆதீனத்தின் இளைய ஆதீனமாக பட்டம் சூட்டுவதில் எனக்கு விருப்பமில்லை. மதுரை ஆதீனத்துக்கும்இதுபோன்ற எண்ணம் இல்லை.

எனக்கும் என் பெற்றோருக்கும் ஏற்பட்ட பிரச்சினையைத் தீர்த்தவர் மதுரை ஆதீனம். அதற்காக அந்த ஆதீனத்தின்இளைய ஆதீனமாக நியமிக்கப்படுவேன் என்று கூறுவது தவறு.

மதுரை ஆதீனம் சைவத்தை அடிப்படையாகக் கொண்டது. ஆனால் நான் அத்வைதத்தைக் கடைப்பிடிக்கிறேன்.

ஆன்மீக, சமுதாயப் பணிகளில்தான் என் கவனம் இருக்கிறதேயொழிய, எந்த மடத்துக்கும் சென்று, சேரும்எண்ணமில்லை என்றார் குட்டி சாமியார்.