தஞ்சாவூர் சந்தையில் தீ: ரூ. 1 கோடி இழப்பு

தஞ்சாவூர்:

தஞ்சாவூர் சரபோஜி சந்தையில் ஏற்பட்ட தீ விபத்தில் ரூ. 1 கோடிக்கும் அதிகமான பொருட்கள் சேதமடைந்தன.

ஒரு கடையில் பிடித்த தீ மளமளவென மற்ற கடைகளுக்கும் பரவியது. தீ குறித்து தகவல் அறிந்ததும், தஞ்சாவூர்,திருவையாறு, ஒரத்தநாடு, திருக்காட்டுப்பள்ளி, பாபநாசம், கும்பகோணம் ஆகிய இடங்களிலிருந்து தீயணைப்புவண்டிகள் விரைந்து வந்தன. சுமார் 6 மணி நேரம் போராடி தீயணைப்பு வீரர்கள் தீயை அணைத்தனர்.

இத் தீ விபத்தில் 24 கடைகள் சேதமடைந்தன. சுமார் ரூ.1 கோடிக்கும் அதிகமான பொருட்கள் தீயில் எரிந்துநாசமாயின. மின் கசிவு காரணமாக தீ விபத்து ஏற்பட்டிருக்கலாம் என்று கூறப்படுறது.

தீ விபத்து நடந்த இடத்தை மாவட்ட ஆட்சியர் ராதாகிருஷ்ணன் பார்வையிட்டார்.